Recept na vychadnyja. Sous ramieska ažyvić lubuju stravu

Kuryca z sousam ramieska. Fota: flickr.com

Kab zhatavać sous ramieska, vam spatrebicca:

• kala 100 mililitraŭ aleju, najlepš kali aliŭkavaha + jašče trochi 
• kavałki čerstvaha chleba
• 25 hramaŭ mindalu, funduku abo kiedravych arechaŭ
• 1 čyrvony pierac (pačyścicie jaho ad pładanožki i nasieńnia i bujna narežcie miakać)
• 1 vialikimi kavałkami narezany pamidor
• 1 maleńkaja čyrvonaja ci biełaja cybulina (abłupicie jaje i narežcie vialikimi kavałkami)
• 2 zubki časnaku (ačyścicie i narežcie taksama vialikimi kavałkami)
• 2 stałovyja łyžki mołataj papryki
• kajenski (čyrvony) pierac — na smak
• 1 stałovaja łyžka čyrvonaha vinnaha, biełaha vinnaha ci jabłyčnaha vocatu
• sol i čorny pierac

1. Vylicie dźvie stałovyja łyžki aliŭkavaha aleju na patelniu i pastaŭcie jaje na siaredni ahoń. Kińcie tudy chleb i arechi, trochi absmažcie ich da załacista-karyčnievaha koleru, pieryjadyčna pamiešvajcie. Pierakładzicie ŭsio ŭ błendar ci kuchonny kambajn.
2. Viarnicie patelniu na ahoń. Dadajcie tudy jašče dźvie stałovyja łyžki aleju, narezany čyrvony pierac, pamidor i cybulu. Smažcie harodninu 8 chvilin ci pakul nie vyparycca lišniaja vilhać. Dadajcie časnok, hatujcie jašče 2 chviliny, potym dadajcie papryku i kajenski pierac. Hatujcie sumieś jašče chvilinu, potym dadajcie jaje da chleba i arechaŭ u čašy kuchonnaha kambajna ci błendara.
3. Ulicie ŭ sumieś vocat i ŭźbivajcie jaje, pakul sous nie stanie adnarodny. Dadajcie jašče aliŭkavaha aleju na smak, prypraŭcie sollu i čornym piercam. Možna padavać.

Jak zvaryć idealny kuryny sup? Na što varta źviarnuć uvahu

Recept na vychadnyja. Hlintviejn

Nashaniva.com

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

7

1

3

0

1

1