Zialenski: U Dniapry zahinuli 25 čałaviek
Kolkaść zahinułych u vyniku rakietnaha abstrełu ŭ Dniapry dasiahnuła 25 čałaviek, ź ich 1 dzicia. Pra heta paviedamiŭ prezident Ukrainy Uładzimir Zialenski.
Fota: Evgeniy Maloletka / AP Photo
Pry hetym vyratavanyja 39 čałaviek, ź ich 6 dziaciej. 73 čałavieki atrymali traŭmy, u tym liku 13 dziaciej. Šukajuć ciapier 43 čałavieki.
Pavodle papiaredniaj infarmacyi, razburanyja 72 kvatery i paškodžanyja bolš za 230. Ustanoŭleny 4 pałatki DSNS i 2 pałatki ad vałancioraŭ. Psichołahi dapamahajuć paciarpiełym. Pošukava-vyratavalnyja raboty i demantaž niebiaśpiečnych kanstruktyŭnych elemientaŭ praciahvajucca kruhłasutačna.
Padčas učarašniaj ataki rasijskaja rakieta trapiła ŭ dzieviacipaviarchovy dom u Dniapry, byŭ źniščany ceły padjezd. A ŭ Minabarony Rasii siońnia adrapartavali, što meta ŭčarašniaha ŭdaru pa Ukrainie «dasiahnutaja».