Biełaruskija turysty zatrymalisia ŭ Dubai z-za niaspraŭnaści samalota
Biełaruskija turysty nie zmahli vylecieć z Dubaja 12 studzienia rejsam «Biełavija» B2718, jaki musiŭ dastavić ich u Minsk. Im skazali, što samalot nie vylecić praz techničnyja niepaładki, paviedamlaje «Zierkało».
Adzin z pasažyraŭ padzialiŭsia padrabiaznaściami:
«Siońnia «Biełavija» nie palacieła z Dubaja z-za pałomki, samalot buksiravali z pałasy, vysadzili pasažyraŭ. Spačatku ludziam paviedamili, što ich pakormiać pa pasadačnym tałonie ŭ KFC, a potym skazali, što adviazuć u hatel. My chvalujemsia».
U daviedačnaj Nacyjanalnaha aeraporta «Minsk» žurnalistu Zerkalo.io jak pryvatnaj asobie skazali, što rejs B2718 prybudzie 13 studzienia ŭ 00:30. Pryčynu zatrymki rejsa rabotniki aeraporta nie ŭdakładnili, a pres-słužba «Biełavija» na kantakt nie pajšła.