ISW: Zachop Saladara nie aznačaje akružeńnia Bachmuta
Analityki Instytuta vyvučeńnia vajny padkreślili, što rasijskija vojski nie zachapili ŭvieś Saladar, niahledziačy na niekalki łžyvych śćviardžeńniaŭ pra toje, što horad zdaŭsia i Bachmut znachodzicca pad pahrozaj nieminučaha akružeńnia.
Bai ŭ Saladary. Fota: DW
«Niekalki rasijskich krynic śćviardžali, što 10 studzienia siły PVK «Vahnier» prasunulisia na zachad ad Saladara. Ale Jaŭhien Pryhožyn źniapraŭdziŭ hetyja zajavy, adznačyŭšy, što «vahnieraŭcy» ŭsio jašče viaduć baraćbu suprać skaardynavanaha ŭkrainskaha supracivu», — havorycca ŭ štodzionnaj spravazdačy Instytuta.
Pa stanie na 10 studzienia, adznačyli analityki ISW, jość tolki vizualnaje paćviardžeńnie prysutnaści sił «Vahniera» ŭ centry Saladara. «Adnak realnaść kantrolu nad terytoryjaj u Saladary ad kvartała da kvartała niezrazumiełaja z-za dynamičnaha charaktaru haradskich bajoŭ», — padkreślili analityki.
«Navat kali pryniać za čystuju manietu rasijskija zajavy, zachop Saladara nie budzie aznačać nieadkładnaje akružeńnie Bachmuta. Kantrol nad Saladaram nie abaviazkova dazvolić rasijskim vojskam ustalavać kantrol nad krytyčna važnymi ŭkrainskimi naziemnymi linijami kamunikacyj da Bachmuta», — padsumavali ŭ ISW.
