U internet zapuścili «fota pres-sakratarki pałka Kalinoŭskaha z akupavanaha Kryma». Jano akazałasia fejkam
Choć hetaja padrobka zroblenaja prymityŭna, jaje siońnia pačali raspaŭsiudžvać u roznych kanałach i čatach.
Chryścina «Čabor» i jaje muž. Padroblenaje fota (źleva) i aryhinał
Adnym ź pieršych fota apublikavaŭ Kryścijan Šynkievič, napisaŭšy, što jano zroblena ŭ Krymie ŭ 2021 hodzie i heta «paćviardžeńnie ŭkaranieńnia maskalskaj ahientury amal va ŭsie biełaruskija ruchi». Ale paśla post vydaliŭ.
Fota: tvitar Kryścijana Šynkieviča
Chryścina «Čabor» u kamientary błohieru Janu Rudziku patłumačyła, što sapraŭdnaje fota było zroblena ŭ Zatocy (Adeskaja vobłaść), kudy jana jeździła adpačyvać u 2019 hodzie.
Zrešty, fejk sapraŭdy byŭ zrobleny «na durniaŭ»: na fota piasok, a plažy paŭdniovaha bieraha Kryma — halečnyja.
Aryhinalnaje fota paŭhoda tamu publikavaŭ adzin z łukašysckich kanałaŭ — na im bačna, što anijakaha nadpisu «Rasija» na miačy niama. Jaho, jak i kolery rasijskaha ściaha, pryfotašopili.
Ale chto staŭ krynicaj fejka? Jan Rudzik raspavioŭ, što jahonyja znajomyja bačyli ŭkid u čatach, a Kryścijan Šynkievič — što ŭziaŭ fota ŭ zakrytym kanale «Sumlenny Vaniš».
Chto viadzie apošni — nieviadoma.
Fota: kanał «Sumlenny Vaniš»
«Naša Niva» — bastyjon biełaruščyny
PADTRYMAĆ
mienia bolšie razdražajut jeje očki na baškie
nu vidimo - u byka i u korovy - u každoho svoja krasnaja triapka na hołovie ili na hrudi )