Hienierał Chodžes prakamientavaŭ mahčymaść nastupleńnia Rasii ŭ lutym
Amierykanski hienierał u adstaŭcy Bien Chodžes nie zhodny sa śćviardžeńniem hałoŭnakamandujučaha USU Valeryja Załužnaha ab nastupleńni rasijan u lutym, piša «UP».
«Ja sumniavajusia, što Rasija zmoža sabrać siły takoha pamieru za hety čas, tym bolš naležnaj jakaści», — napisaŭ Chodžes u Twitter.
Tak hienierał adkazaŭ Valeryju Załužnamu na jaho słovy ŭ intervju vydańniu The Economist.
U im hałoŭnakamandujučy USU skazaŭ: «Rasijanie rychtujuć kala 200 tys. novych sałdat. Ja nie sumniavajusia, što jany znoŭ pojduć na Kijeŭ».
Na dumku Chodžesa, apošniaja častkovaja mabilizacyja ŭ Rasii była pravalnaj.
Jon taksama dadaŭ, što pierabolšańnie patencyjału novych rasijskich nastupalnych apieracyj ihraje na karyść tym, chto šukaje adhavorki, kab nie padtrymlivać Ukrainu.
Pa stanie na kaniec žniŭnia 2022 hoda, pa danych HUR, Rasija pryciahnuła ŭ vajnie suprać Ukrainy kala 160 tysiač vajskoŭcaŭ, nie ličačy Rashvardyju.