Pamior vykanaŭca roli naparnika ŭ kultavym «Krutym Uokiery» Kłarens Hiljard
Amierykanski akcior Kłarens Hiljard, najbolš viadomy pa roli ŭ sieryjale «Kruty Uokier: pravasudździe pa-techasku» (u aryhinale — «Walker, Texas Ranger»), pamior u ZŠA va ŭzroście 66 hadoŭ.
Pra heta piša Variety sa spasyłkaj na paviedamleńnie Kaledža pryhožych mastactvaŭ pry Nievadskim univiersitecie ŭ Łas-Viehasie (UNLV), dzie artyst vykładaŭ na praciahu doŭhich hadoŭ.
Kłarens Hiljard naradziŭsia ŭ štacie Vašynhton u 1955 hodzie. Svaju akciorskuju karjeru jon pačaŭ u 1986 hodzie, kali źjaviŭsia ŭ filmie «Najlepšy strałok» z Tomam Kruzam. Viadomaść Hiljard nabyŭ dziakujučy sieryjału «Kruty Uokier: pravasudździe pa-techasku», jaki vychodziŭ z 1993-ha pa 2001 hod. Tam jon syhraŭ rejndžara Džejmsa Tryvieta — naparnika Kordeła Uokiera ŭ vykanańni Čaka Norysa.
Siarod inšych viadomych prajektaŭ z udziełam Hiljarda — šmatsieryjnaja jurydyčnaja drama «Metłak», jakaja vychodziła z 1986-ha pa 1995 hod, a taksama bajavik «Mocny arešak», dzie jon syhraŭ terarysta i kampjutarnaha hienija Tea. Usiaho Hiljard pryniaŭ udzieł u troch dziasiatkach prajektaŭ u kino i na telebačańni.
Pryčyn śmierci akciora pakul nie nazyvajuć. Pa nieaficyjnych danych, na praciahu doŭhaha času jon zmahaŭsia ź ciažkaj chvarobaj.