U biełaruskija apteki pastupiŭ jašče adzin preparat ad kavidu. Voś tolki cana kusajecca
Rasijski preparat «Skajvira» dla lačeńnia kavidu pastupiŭ u biełaruskija apteki. Jaho možna nabyć pa recepcie doktara.
Supraćvirusny srodak «Skajvira» (u tabletkach) vypuščany firmaj «Bijachimik». Kab jaho nabyć, treba źviarnucca ŭ daviedačnuju aptečnaj sietki abo aformić zakaz na jaje sajcie.
Ličycca, što leki buduć vykarystoŭvacca dla lačeńnia pacyjentaŭ u ambułatornych umovach. Praduhledžvajecca, što jaho prymianieńnie praduchilaje uskładnienaje praciakańnie zachvorvańnia i špitalizacyju, paskaraje vyzdaraŭleńnie i źnižaje vyjaŭlenaść postkavidnaha sindromu.
Voś tolki kaštuje jon niamała — 475 rubloŭ za 10 tabletak.
Raniej paviedamlałasia, što ŭ aptekach pradajecca rasijski «Mirabivir». Miarkujecca, što jon vykarystoŭvajecca pieravažna dla lačeńnia ciažkich vypadkaŭ karanavirusa. Ale kaštuje jon jašče daražej — 648 rubloŭ.
