Znajści
Ałharytmičny łacinski varyjant
27.08.2020 / 10:585RusŁacBieł

1340 studentaŭ i vypusknikoŭ miechmata BDU zapatrabavali praviadzieńnia novych vybaraŭ i pakarańnia vinavatych 

1340 studentaŭ i vypusknikoŭ miechanika-matematyčnaha fakulteta Biełdziaržuniviersiteta źviarnulisia da dziaržaŭnych orhanaŭ Biełarusi.

Voś što jany pišuć.

«My nie možam mirycca z hvałtam i nie chočam maŭčać.

9 žniŭnia ŭ našaj krainie prajšli vybary prezidenta Respubliki Biełaruś. Hetyja vybary prajšli z masaj parušeńniaŭ:

  • vybary nie byli adkrytymi i hałosnymi;
  • niezaležnyja naziralniki nie byli dapuščany na vybarčyja ŭčastki;
  • na mnohich vybarčych učastkach była zavyšana kolkaść tych, chto prahałasavaŭ;
  • na siabroŭ vybarčych kamisij akazvaŭsia cisk;
  • mnohija vybarčyja ŭčastki nie prademanstravali pratakoły ab vynikach hałasavańnia.

Usie vyšejpieraličanyja fakty supiarečać Vybarčamu kodeksu Respubliki Biełaruś, a taksama Kanstytucyi Respubliki Biełaruś, a značyć, praviedzienyja vybary nie pavinny być pryznanyja.

Apošnija niekalki dzion my nazirajem vielmi žorstkaje vykarystańnie siły da mirnych pratestoŭcaŭ z boku siłavych struktur. Mnohija našy suajčyńniki byli źbityja i abstralanyja padčas mirnych demanstracyj. Niekalki čałaviek było zabita. Było zatrymana šmat hramadzian, jakija nie mieli niepasrednaha dačynieńnia da demanstracyj i pratestaŭ. Ludziej u turmach źbivajuć i katujuć. Takija niečałaviečyja dziejańni siłavych struktur niezakonnyja, nieprymalnyja i parušajuć Kanstytucyju Respubliki Biełaruś, pakolki čałaviek, jaho pravy, svabody i harantyi ich realizacyi źjaŭlajucca najvyšejšaj kaštoŭnaściu i metaj hramadstva i dziaržavy (artykuł 2 Kanstytucyi Respubliki Biełaruś).

My nie možam spakojna nazirać za ŭsim hetym. My chočam žyć u krainie, dzie vybary prachodziać sumlenna, biez falsifikacyj i na roŭnych umovach dla ŭsich kandydataŭ, dzie milicyja zabiaśpiečvaje biaśpieku hramadzian, a nie pahražaje ich žyćciu i zdaroŭju.

My chočam pavahi našych pravoŭ i svabod, uklučajučy svabodu słova, mierkavańniaŭ i schodaŭ. My chočam nie bajacca vychodzić na vulicu ŭ svaim horadzie. I my chočam adkryta vykazać svoj pratest.

My, nižejpadpisanyja, patrabujem:

  1. spynić zadušeńnie mirnych pratestaŭ siłavym šlacham i spynić hvałt u dačynieńni da mirnych hramadzian;
  2. pryciahnuć da adkaznaści ŭsich siłavikoŭ, vinavatych u źbićci i zabojstvach pratestoŭcaŭ;
  3. vyzvalić usich palitviaźniaŭ i asob, zatrymanych za ŭdzieł u mirnych pratestach, i spynić ich dalejšyja pieraśledy;
  4. pryznać praviedzienyja 9 žniŭnia vybary niesapraŭdnymi i pravieści novyja sumlennyja vybary».

NN.by

Chočaš padzialicca važnaj infarmacyjaj
ananimna i kanfidencyjna?

Клас
0
Панылы сорам
0
Ха-ха
0
Ого
0
Сумна
0
Абуральна
0
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930