Астравец, Столін, Жабінка — рэйтынг беларускіх гарадоў, у якіх насельніцтва павялічваецца насуперак усяму
У 2023 годзе ў Беларусі налічылася 23 гарады ці гарадскія пасёлкі ў статусе райцэнтраў, у якіх колькасць насельніцтва вырасла насуперак агульным тэндэнцыям.
Атамная электрастанцыя стала лакаматывам росту насельніцтва ў Астраўцы
Найбольшы прырост быў у Гродне (+2398).
Таксама істотна павялічылася насельніцтва Брэста і Жабінкі, якую лічаць спадарожнікам абласнога цэнтра (агулам +2196).
Яшчэ ў адну групу можна вылучыць гарады і пасёлкі ў ваколіцах Мінска — Смалявічы, Фаніпаль і Мачулішчы агулам выраслі на 1452 чалавек. І гэта без уліку Копішча, якая лічыцца вёскай на 18 тысяч жыхароў, і аграгарадка Калодзішчы, дзе жыве больш за 20 тысяч беларусаў.
Усе астатнія гарады, раскіданыя па Беларусі, дадалі яшчэ 1200 чалавек — з іх вылучаецца атамны Астравец (+311). Ад моманту пачатку будаўніцтва АЭС насельніцтва вырасла амаль удвая і ўжо перавысіла 15 тысяч чалавек.
| 2023 | 2024 | Розніца | ||
| 1 | Гродна | 358717 | 361115 | 2398 |
| 2 | Брэст | 342461 | 344470 | 2009 |
| 3 | Смалявічы | 21820 | 22679 | 859 |
| 4 | Фаніпаль | 17768 | 18252 | 484 |
| 5 | Астравец | 14805 | 15116 | 311 |
| 6 | Столін | 13550 | 13785 | 235 |
| 7 | Жабінка | 14231 | 14418 | 187 |
| 8 | Петрыкаў | 10303 | 10401 | 98 |
| 9 | Стоўбцы | 17640 | 17737 | 97 |
| 10 | Высокае | 4843 | 4913 | 70 |
| 11 | Вялікая Бераставіца (г.п.) | 5665 | 5728 | 63 |
| 12 | Нясвіж | 15907 | 15968 | 61 |
| 13 | Лагойск | 15515 | 15565 | 50 |
| 14 | Лунінец | 23548 | 23592 | 44 |
| 15 | Чачэрск | 8885 | 8927 | 42 |
| 16 | Глыбокае | 17707 | 17746 | 39 |
| 17 | Чэрыкаў | 7774 | 7800 | 26 |
| 18 | Бешанковічы (г.п.) | 6884 | 6904 | 20 |
| 19 | Дуброўна | 6909 | 6929 | 20 |
| 20 | Міёры | 7815 | 7835 | 20 |
| 21 | Нароўля | 8352 | 8371 | 19 |
| 22 | Чэрвень | 10542 | 10545 | 3 |
| 23 | Ліда | 103915 | 103916 | 1 |
*Мачулішчы — гарадскі пасёлак без статуса райцэнтра. У ім насельніцтва вырасла на 109 чалавек (з 10474 да 10583).
Чытайце таксама:
Гродна ўжо на трэцім месцы сярод гарадоў Беларусі па колькасці жыхароў РЭЙТЫНГ
Стала вядома, у якіх еўрапейскіх гарадах найбольш небяспечна знаходзіцца
