Знайсці
05.03.2024 / 16:015РусŁacБел

«Не Доктар Зло, а Міні Мы». Што за ўніформа на Дзмітрыі Мядзведзеве

Падобныя гарнітуры раней палюбіў расійскі прапагандыст Салаўёў.

Пра асаблівасці гэтай уніформы піша спецыяліст па іміджы Кацярына Гардзеева.

Намеснік старшыні Рады бяспекі і экс-прэзідэнт Расіі «дзеліць» Украіну. Скрын відэа

Сёння амаль кожны ведае, што правільным адзеннем можна дадаць сабе важнасці, прадэманстраваць моцныя бакі і схаваць недахопы. Безумоўна, такой «супер сілай» рэчаў карыстаюцца і палітыкі. Праз аўтфіты яны невербальна транслююць сваю пазіцыю па тым ці іншым пытанні, не парушаючы пры гэтым правіл пратаколу.

Асам у справе «стыльнай дыпламатыі» была былая Дзяржсакратар ЗША Мадлен Олбрайт. Палітык віртуозна выкарыстоўвала брошкі, каб намякнуць суразмоўцам пра сваё сапраўднае стаўленне да тэмы перамоў. Так, на афіцыйную сустрэчу з расійскімі прадстаўнікамі Олбрайт надзела брошку ў выглядзе жука. Тым яна паказала, што ведае аб усталяваным у кабінеце праслухоўванні. Брошку з Мікі Маўсам яна выкарыстоўвала на іншым мерапрыемстве — каб паказаць, што лічыць перамоўны працэс мышынай валтузнёй.

Фота: Вікіпедыя

Часам з дапамогай візуальнага вобраза палітыкі звяртаюцца да электарата. Напрыклад, мэр Тбілісі Каха Каладзэ неахайным, але ўльтрамодным гардэробам паказвае, што адносіць сябе да ліку прагрэсіўных энергічных дзеячаў і разлічвае зрабіць даручаны яму горад такім жа сучасным, як і сам ён.

Фота: інстаграм дзеяча

Першыя асобы Расійскай Федэрацыі імкнуцца не адставаць ад заходніх калег. Праўда, пакуль спробы аказваюцца хутчэй няўдалымі.

Стыльнымі патугамі асабліва вылучаецца намеснік старшыні Рады бяспекі і экс-прэзідэнт Расіі Дзмітрый Мядзведзеў. Мяккі па сваёй натуры, ён вымушаны змагацца за месца пад «крамлёўскай зоркай» з больш мужнымі і агрэсіўнымі калегамі. Каб дадаць сабе жорсткасці, ён выкарыстоўвае брутальныя рэчы.

Фота: Х (былы твітар) дзеяча 

Вось і цяпер, чытаючы «грозную» лекцыю на марафоне «Веды. Першыя» і прэзентуючы «карту падзелу Украіны», ён вырашыў дадаць сабе моцы і рашучасці «крэатыўным» гарнітурам. На выступленне Дзмітрый Мядзведзеў прыйшоў у сінім касцюме, які па кроі нагадвае ваенны мундзір вышэйшых чыноў. 

Фота: скрын з відэа

Падобныя ўборы любіць расійскі прапагандыст Уладзімір Салаўёў. Адзін з яго касцюмаў, у якім ён выходзіць у эфір, падобны да гусарскай формы.

Скрын відэа

Касплэіць вайскоўцаў — даўняя традыцыя самых разнастайных дыктатараў. Падобнае адзенне насілі карэйскія лідэры Кім Ір Сэн і Кім Чэн Ір, заснавальнік КНР Мао Цзэдун і прэзідэнт Цэнтральнаафрыканскай Рэспублікі, а па сумяшчальніцтве людаед, Жан Бедэль Бакаса. Усе гэтыя людзі будавалі ўладу, абапіраючыся на штыкі вайскоўцаў, і выбарам адзення спрабавалі падкрэсліць сваё дачыненне да класа сілавікоў.

Мао Цзэдун. Фота: Вікіпедыя

Быць «сваім сярод моцных», відаць, хацелася і Мядзведзеву, але дысананс паміж асабістым бэкграўндам і пажаданым вобразам занадта вялікі. Як вынік: у касцюме з тонкай адпаранай воўны ён падобны не на бравага вайскоўца, а на савецкага школьніка, якога маці адправіла на ранішнік ва ўборы чырвонаармейца.

Высноваў з гэтага іміджавага факапа можна зрабіць два. Першы: здавацца тым, кім не з'яўляешся, — дрэнная стратэгія, бо запамінальны вобраз будуецца на асаблівасцях чалавека і яго непадобнасці да іншых. 

Стоп-кадр з фільма

Так, сітуацыю Мядзведзева мог бы выратаваць класічны аднабортны гарнітур прыглушанага колеру. У такім мяккі «кругленькі» палітык глядзеўся б больш арганічна.

Выснова другая: калі вельмі хочацца сябраваць з самым «крутым» мужыком у кампаніі, не трэба капіяваць ягоныя рысы. Канкурэнцыю маскулінныя хлопцы не любяць, таму ў свой клуб не паклічуць. Затое імідж копіі Доктара Зло — Міні Мы, прылепіцца да вас надоўга.

Чытайце таксама:

Дзмітрый Мядзведзеў прыдумаў карту падзелу Украіны

Мядзведзеў пагражае Берліну, Лондану і Вашынгтону ядзернымі ўдарамі, калі Расію вернуць да межаў 1991 года

«У тыя дні людзі будуць шукаць смерці, але не знойдуць яе» — Мядзведзеў

Кацярына Гардзеева

Хочаш падзяліцца важнай інфармацыяй
ананімна і канфідэнцыйна?

Клас
6
Панылы сорам
3
Ха-ха
61
Ого
0
Сумна
1
Абуральна
5
05.03.2024
Костюм китайского мандарина на Медведеве. Клоун.
0
Вероника/адказаць/
05.03.2024
Плащ Пазьняка лучше.
0
Жорж Стоматолог/адказаць/
05.03.2024
Йес! Блин, я давно заметил, что они любят остинпауэрсовскую амуницию - Рудольфыч и Недимон. Наконец независимое подтверждение)

Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
сакавіккрасавікмай
ПНАЎСРЧЦПТСБНД
1234567
891011121314
15161718192021
22232425262728
2930