У ноч перад самагубствам амерыканскі мільярдэр Джэфры Эпштэйн размаўляў з беларускай
Паводле крыніц выдання і запісаў кнігі наведвальнікаў турмы, дзе ўтрымліваўся абвінавачаны ў педафіліі і сэкс-гандлі мільярдэр Джэфры Эпштэйн, яго самым апошнім і адзіным вольным наведвальнікам, акрамя адвакатаў, была беларуска Карына Шуляк, у якой з мільярдэрам было «вельмі сур'ёзнае каханне».
Карына Шуляк і Джэфры Эпштэйн у 2019 годзе. Фота: Billy FarrellBFA.com
11 чэрвеня выданне Daily Mail выклала эксклюзіў, які пралівае святло на апошнія дні жыцця знакамітага амерыканскага мільярдэра Джэфры Эпштэйна, абвінавачанага ў сэкс-гандлі людзьмі і педафіліі.
Паводле інфармацыі выдання, у ноч перад самагубствам Эпштэйна ў турме ў жніўні 2019 года той выгнаў усіх сваіх адвакатаў з пакоя для наведванняў, каб канфідэнцыйна паразмаўляць з ураджэнкай Беларусі Карынай Шуляк, у якой з мільярдэрам былі «вельмі цесныя любоўныя сувязі».
Акрамя гэтага, зыходзячы з запісаў турэмнай кнігі наведвальнікаў, Шуляк была апошнім і нават адзіным чалавекам, хто, апроч адвакатаў Эпштэйна, бачыў таго асабіста перад яго самагубствам — непасрэдна за 10 дзён да смерці.
«Каханне Эпштэйна і Шуляк было вельмі глыбокім, інакш ён у апошні дзень свайго жыцця не загадаў бы ўсім сваім адвакатам выйсці прэч, каб патэлефанаваць ёй. Пры гэтым Шуляк была першай і апошняй наведвальніцай Эпштэйна за ўвесь час ягонага зняволення ў турме. Некаторыя знаёмыя мільярдэра і яго адвакаты не могуць да гэтага часу зразумець, чаму чалавек без прыкмет суіцыдальных схільнасцяў вырашае павесіцца ўжо на наступны дзень пасля канфідэнцыйнай размовы з гэтай беларускай», — піша выданне Daily Mail са спасылкай на крыніцу, блізка знаёмай з сітуацыяй, і на больш за 4 тысячы старонак турэмнай дакументацыі, звязанай з Эпштэйнам.
Паводле інфармацыі выдання, сама Карына Шуляк з'ехала ў ЗША з Беларусі яшчэ ў 2009 годзе, а затым уступіла ў фіктыўны лесбійскі шлюб з Джэніфер Калін, адной з найбліжэйшых знаёмых мільярдэра Джэфры Эпштэйна, каб застацца ў Злучаных Штатах.
Джэніфер Калін (злева) і Карына Шуляк (справа) падчас свайго шлюбу ў ЗША. Фота: фэйсбук-старонка Джэніфер Калін.
Пасля гэтага ў 2013 годзе Шуляк разышлася з Калін, каб уступіць у стасункі непасрэдна з Эпштэйнам, які здраджваў беларусцы больш чым з 10 жанчынамі за ўвесь перыяд іх рамантычных стасункаў да яго самагубства. У той жа час, як паведамляе выданне, Эпштэйн аплачваў навучанне Шуляк у Калумбійскім універсітэце, фінансаваў для яе маці дарагое лячэнне і выдзяляў грошы на пражыванне сям'і Шуляк у раскошным доме ў Мінску.
«Карына Шуляк працуе стаматолагам, аднак яе афіцыйная рэгістрацыя дзіўным чынам распаўсюджваецца адначасова на некалькі амерыканскіх штатаў і на Віргінскія астравы. Адметна, што гэтая ўраджэнка Беларусі была далёка не адзіным чалавекам з Усходняй Еўропы, што знаходзіўся ў блізкім кантакце з Эпштэйнам. Яшчэ пасля свайго першага вызвалення з турмы ў 2009 годзе мільярдэр у сваім асяроддзі завёў велізарную колькасць людзей з Расіі і яе суседзяў з Усходняй Еўропы», — адзначае Daily Mail.
Да гэтага часу застаецца невядомым, колькі дакладна грошай атрымала Шуляк і яе сям'я пасля смерці Джэфры Эпштейна, аднак, па інфармацыі крыніц выдання, гэтая сума можа лічыцца значнай.
Чытайце яшчэ:
Нямецкі мільярдэр, які пяць гадоў таму знік у Альпах, знайшоўся ў Маскве
У Расіі затрымалі серыйнага гвалтаўніка, які амаль 30 гадоў таму забіў і спаліў дзяўчыну ў Мінску
Арына Сабаленка: Я не падтрымліваю вайну, то-бок не падтрымліваю Лукашэнку цяпер
