Знайсці
27.05.2023 / 09:451РусŁacБел

Селін Дыён адмяніла ўсе канцэрты з-за рэдкага захворвання

Спявачка абвясціла, што яе выступы ў Еўропе не адбудуцца, і выбачылася перад прыхільнікамі.

Селін Дыён — канадская спявачка, але ў 1988 годзе выйграла Еўрабачанне, выступаючы ад Швейцарыі. Фота: Jacques Boissinot / The Canadian Press via AP

Канадская спявачка Селін Дыён адмяніла ўсе канцэрты ў Еўропе, якія павінны былі прайсці ў рамках яе сусветнага турнэ, з-за рэдкага неўралагічнага захворвання, піша The Guardian. Выступы, запланаваныя на 2023 і 2024 гады, не адбудуцца.

«Мне шкада хваляваць усіх вас ізноў. Я вельмі старанна працую над аднаўленнем сваіх сіл, але турнэ можа быць вельмі цяжкім, нават калі ты здаровы на 100%. Было б несумленна працягваць пераносіць канцэрты, і хоць гэта разбівае мне сэрца, нам лепш адмяніць усё цяпер, пакуль я не буду сапраўды гатовая зноў з'явіцца на сцэне. Я хачу, каб усе вы ведалі: я не здаюся, і я не магу дачакацца, калі ўбачу вас ізноў», — гаворыцца ў звароце 55-гадовай спявачкі да прыхільнікаў.

У канцы 2022 года стала вядома, што ў Селін Дыён дыягнаставалі вельмі рэдкае неўралагічнае захворванне — сіндром мышачнай скаванасці. Яно сустракаецца прыкладна ў аднаго чалавека на мільён. Сімптомы захворвання — моцныя спазмы і скаванасць, што нарастае з часам. Цалкам вылечыць сіндром пакуль немагчыма.

Чытайце таксама:

Спявачка Селін Дыён, магчыма, больш не зможа выступаць

«Адна бабуля завяшчала, каб яе хавалі пад Селін Дыён». Вядоўцы рытуальных цырымоній расказваюць пра сваю работу

Акцёры фільма «Рамэа і Джульета» прайгралі пазоў, пададзены з-за сцэны з агаленнем

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
8
Пётра/адказаць/
27.05.2023
Прывітая.
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
1234
567891011
12131415161718
19202122232425
26272829