Лукашэнка анансаваў візіт у Казахстан
Пра гэта кіраўнік беларускай дзяржавы заявіў сёння на сустрэчы з паслом Казахстана Ермухаметам Ертысбаевым, які завяршае сваю дыпламатычную місію ў Беларусі, піша БелТА.
«Мяркую, што мне ў хуткім часе будзе магчымасць пабываць у Казахстане і мы абмяркуем увесь комплекс нашых адносін. Мы ў свой час з цяперашнім прэзідэнтам, спадаром Такаевым, дамовіліся, што мы спяшацца не будзем: сур'ёзна паглядзім, прарэвізіруем нашы адносіны, выпрацуем план дзеянняў на будучыню (або, як модна цяпер казаць, дарожную карту нашых адносін на наступныя гады). У Нур-Султане мы зацвердзім гэтую дарожную карту. Але сур'ёзна падрыхтуемся. Для гэтага мы ў найбліжэйшы час збярэм міжурадкамісіі, паглядзім на праблемныя пытанні і выпрацуем далейшыя нашы адносіны», — заявіў Лукашэнка.
