Праваўладальнік Times New Roman і іншых папулярных шрыфтоў, якія выкарыстоўваюцца пры наборы на камп'ютары, забараніў іх выкарыстанне ў расійскіх дзяржаўных установах, паведамляе CNews.
Шрыфты могуць выкарыстоўвацца на асобным ПК або для друку дакументаў, але іх нельга перадаваць з камп'ютара на камп'ютар, а таксама выкарыстоўваць для стварэння электронных дакументаў або праграмных прадуктаў.
Кампанія Monotype Imaging, якой належаць правы на шрыфты Times New Roman, Arial, Courier New і іншыя, адмовілася даць ліцэнзіі на іх выкарыстанне ў расійскім ПЗ. У якасці прычыны кампанія назвала санкцыі, уведзеныя ЗША супраць Расіі.
Расійскім чыноўнікам прапануецца вырашыць праблему, перайшоўшы на расійскае праграмнае забеспячэнне. Пры гэтым рэкамендуецца змяніць і АС, і пакет офісных праграм. Чыноўнікам раяць ужываць замест шрыфтоў Monotype Imaging расійскія шрыфты ці замежныя, але якія распаўсюджваюцца па адкрытай ліцэнзіі.
