Перабоі ў абслугоўванні банкаўскіх картак магчымыя ўначы 14 ліпеня

Перабоі ў абслугоўванні трымальнікаў картак банкаў магчымыя ноччу 14 ліпеня, паведамілі БЕЛТА ў ААТ «Банкаўскі працэсінгавы цэнтр».

Паводле інфармацыі, размешчанай на сайце цэнтра, 14 ліпеня ў перыяд з 3 да 6 гадзін будуць праводзіцца планавыя тэхналагічныя работы па мадэрнізацыі апаратна-праграмнага комплексу прадпрыемства. У гэты час магчымыя перапынкі ў абслугоўванні трымальнікаў картак банкаў, якія карыстаюцца паслугамі ААТ «Банкаўскі працэсінгавы цэнтр», а таксама ў сетцы арганізацый гандлю (сэрвісу), пунктаў выдачы наяўных грошай, банкаматаў, інфакіёскаў.

Паводле БЕЛТА

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ