Zakinutuju viosku nabyŭ u Karelickim rajonie Hrodzienskaj vobłaści pryvatny inviestar. Pra heta paviedamiŭ siońnia dyrektar departamienta pa turyźmie Ministerstva sportu i turyzmu Vadzim Karmazin padčas pasiadžeńnia hramadska-kansultatyŭnaha savieta pa raźvićci ahraekaturyzmu.
U vioscy 17 damoŭ, jakija ciapier adnaŭlajucca z zachavańniem aŭtentyčnych tradycyj. Paśla tut płanujecca stvaryć turystyčny kompleks.Dla rekanstrukcyi vioski zaprošany viadomy architektar z Rahačova. Dla kiravańnia turystyčnym kompleksam stvorana asobnaja jurydyčnaja asoba.
Staršynia praŭleńnia hramadskaha abjadnańnia "Adpačynak u vioscy" Valeryja Klicunova raspaviała, što
biznesmen nabyŭ zakinutuju viosku dla svajoj dački -- vypusknicy fakulteta mižnarodnych adnosin BDU, jakaja jašče padčas vučoby chacieła zaniacca turystyčnaj dziejnaściu.
Načalnik adździeła markietynhu i jakaści turysckich pasłuh departamienta pa turyzmu Julija Kopać u svaju čarhu adznačyła, što z 1 vieraśnia 2012 h. miascovym vykankamam stanie praściej vystaŭlać na prodaž abo pieradavać biazvypłatna pustujučyja chaty, raźmieščanyja ŭ sielskaj miascovaści. Ukaz № 100, jaki ŭstupaje ŭ siłu z hetaj daty, praduhledžvaje novy miechanizm pieradačy biezhaspadarnych budynkaŭ inviestaram. Damy, jakija na praciahu apošnich troch hadoŭ nie vykarystoŭvajucca dla pastajannaha pražyvańnia, miascovyja ŭłady mohuć adnieści da pustych damoŭ, dla čaho ich ułaśnikam nakiroŭvajuć paviedamleńni ab uklučeńni budynka ŭ adpaviedny rehistr.
Kali ŭłaśnik pustoha doma nie adreahavaŭ (a na heta ŭ jaho jość dva miesiacy), abjekt nieruchomaści pierachodzić na bałans miascovaha vykankama, paśla čaho toj moža prymać rašeńnie pradavać dom abo pieradavać jaho biazvypłatna.Pry vykankamach stvarajucca kamisii z udziełam Ministerstva budaŭnictva i architektury i Nacyjanalnaha kadastravaha ahienctva, jakija vyznačajuć stupień vietchaści budynkaŭ. Tym samym miascovyja orhany ŭłady zmohuć samastojna pieradavać pustyja chaty inviestaram, u tym liku z metaj raźvićcia sielskaha turyzmu.
