Muziej imia U.H. Mulavina ŭ Biełaruskaj dziaržaŭnaj fiłarmonii nievialiki, składajecca z troch pakojčykaŭ. U pieršym, centralnym, znachodzicca vialiki teleekran, dzie prakručvajucca videaroliki z vystupleńniami «Pieśniaroŭ», a taksama šyldačka z karotkaj historyjaj ansambla. U druhim adnoŭleny pracoŭny kabiniet U. Mulavina: pijanina, partytury not, televizar, fotazdymki roznych hadoŭ, nievialiki piśmovy stoł i šafa. U trecim možna ŭbačyć kancertnaje adzieńnie «pieśniara», a taksama elektrahitaru, na jakoj hraŭ majstra.
Muziej adčynieny kožny dzień, akramia suboty i niadzieli, z 9.00 da 19.00. Kab naviedać muziej, vam spatrebicca paśviedčańnie, jakoje budzie paćviardžać vašu asobu. Prajsci možna praz słužbovy ŭvachod Biełdziaržfiłarmonii, ale budzie lepš, kali vy zahadzia patelefanujecie pa numaru 231‑07‑00 i damoviciesia ab naviedvanni. Uvachod u muziej biaspłatny.
