Jak paviedamiła hałoŭny sinoptyk Respublikanskaha hidramietcentra Minpryrody Volha Fiadotava da kanca tydnia čakajecca niaŭstojlivaje nadvorje.
Siońnia ŭdzień u mnohich rajonach projduć karotkačasovyja apadki ŭ vyhladzie daždžu i mokraha śniehu.
U noč na 4 maja pad upłyvam zony pavyšanaha cisku apadkaŭ nie budzie, ale padmarozić da 0 — minus 4 hradusaŭ, na hlebie miescami — da 6 hradusaŭ marozu. Udzień 4 maja ŭ paŭnočnaj pałovie krainy projduć daždžy.
Tempieratura pavietra budzie vahacca ad 6 ciapła na poŭnačy da plus 17 hradusaŭ na paŭdniovym zachadzie Biełarusi.
U subotu miescami, a ŭ niadzielu pa paŭnočnamu ŭschodu krainy čakajucca karotkačasovyja daždžy. Tempieratura pavietra ŭ vychadnyja ŭnačy 0—4 ciapła, miescami pa paŭnočnamu ŭschodu słabyja zamarazki; udzień — 8—14 hradusaŭ, u Bresckaj i Hrodzienskaj abłaściach — da 19 ciapła.
Zhodna z papiarednimi prahnozami, u pačatku nastupnaha tydnia ŭzmocnicca ŭpłyŭ antycykłonu i apadkaŭ nie budzie. Tempieratura pavietra ŭnačy kala 0, udzień — 11—16, a na paŭdniovym zachadzie — da 17—21 hradusa ciapła.