Pra heta paviedamiŭ staršynia Fiederacyi chakieja Respubliki Biełaruś (FCHRB) Jaŭhien Vorsin.
Heta było zroblena na padstavie«Na hienieralnym kanhresie Mižnarodnaj fiederacyi chakieja paśla apošniaha čempijanatu śvietu sapraŭdy staviłasia pytańnie pra mahčymaje źmianieńnie sistemy praviadzieńnia hetaha turniru.
Pavodle słoŭ Vorsina, mahčymyja źmianieńni, kali jany buduć zaćvierdžany, mohuć nabyć moc jakraz z 2014 hoda, heta značyć ź minskaha čempijanatu śvietu.«
Kiraŭnik FCHRB śćviardžaje, što abmierkavańnie źmienaŭ farmatu źviazanaje pieradusim sa sprobami zrabić turnir bolš pryvabnym i cikavym dla hledačoŭ. «Hutarki pra pierahlad formuły nijak nie źviazanyja z Alimpijadaj 2014 hoda, takija abmierkavańni byli i raniej. Dyskusija była jašče letam. Niekatoryja prapanavali, kab čempijanaty śvietu naohuł nie pravodzilisia ŭ alimpijski hod. Zrešty, paŭtaru, heta pakul usiaho tolki abmierkavańni, analityka», — skazaŭ Vorsin.
Hetyja źviestki byli raspaŭsiudžanyja 26 listapada rasijskaj hazietaj «Iźviestija», a zatym pieradrukavanyja biełaruskimi maśmiedyja.Takim čynam, Vorsin abvierh infarmacyju pra toje, što
z-za Alimpijady ŭ Sočy minski čempijanat śvietu moža być admienieny.
«Mnohija krainy prapanujuć ci zamianić ČS na turnir ź jeŭrapiejskaj kancepcyjaj, tamu što, naprykład, ZŠA i Kanada naŭrad ci dašluć kamandy, ci naohuł admianić», — pišuć «Iźviestija» sa spasyłkaj na vykanaŭčaha dyrektara Fiederacyi chakieja Rasii Valeryja Fiesiuka.
Treba adznačyć, što pieršynstvo ŭ stalicy Biełarusi projdzie praz try miesiacy paśla hałoŭnaha startu čatyrochhodździa — alimpijskaha turniru ŭ Sočy.Mienavita na jaho ŭsie zbornyja buduć pryciahvać maksimalnyja siły i, jak pakazvaje praktyka, paśla Alimpijady šmatlikija viadučyja hulcy sapraŭdy ličać za lepšaje prapuskać čempijanat śvietu. Padobnyja hutarki zdarajucca napiaredadni kožnaj Alimpijady. Tym nie mienš, za apošnija 14 hadoŭ jašče ni razu čempijanaty śvietu, jakija prachodziać u alimpijski hod, nie zryvalisia, a tyja ž paŭnočnaamierykanskija zbornyja ich nikoli nie ihnaravali.
Kali niešta padobnaje adbudziecca, to, pavodle mierkavańnia niekatorych śpiecyjalistaŭ, dla biełaruskaj zbornaj heta ŭ niejkim sensie budzie navat vyhadna, pakolki pavialičvajucca jaje šansy na paśpiachovaje vystupleńnie.
Jaŭhien Vorsin u suviazi z hetym skazaŭ nastupnaje: «Ja kateharyčna suprać taho, kab štučnym sposabam zabiaśpiečvać našaj kamandzie kamfortnyja ŭmovy. Heta niapravilna».
