Na 4 śniežnia pryznačana vyjaznoje pasiadžeńnie Škłoŭskaha suda pa spravie viaźnia škłoŭskaj kałonii Mikałaja Dziadka. Sud budzie vyrašać, ci nakiroŭvać Mikałaja Dziadka jak złosnaha parušalnika režymu z kałonii ŭ «krytuju» turmu.
Sudździa Vital Vołkaŭ dazvoliŭ abaraniać Mikałaja Dziadka na pasiadžeńni jahonamu advakatu, ale nie daŭ dazvołu na toje, kab palitviaźnia abaraniaŭ taksama jahony baćka, były sudździa Minskaha abłasnoha suda Alaksandr Dziadok.
Pavodle A.Dziadka, u jaho syna ŭžo 22 spahnańni za roznyja parušeńni dyscypliny, i śpiecyjalnaja kamisija ŭ kałonii vykazałasia za nakiravańnie Mikałaja Dziadka ŭ «krytuju» turmu.
«Usie hetyja nibyta parušeńni tłumačacca adnym — što syn admaŭlajecca padpisvać prašeńnie ab pamiłavańni i trymajecca pa-raniejšamu mužna i pryncypova, nie skarajecca», — kaža Alaksandr Dziadok.
***
Aktyvist anarchisckaha ruchu Mikałaj Dziadok u 2011 h. byŭ asudžany na 4,5 hoda źniavoleńnia za chulihanstva i paškodžańnie majomaści padčas akcyj kala Ministerstva abarony, na terytoryi rasijskaha pasolstva, izalatara na Akreścina dy inšych. U źniavoleńni Mikałaj Dziadok jašče musić adbyć bolš za 2 hady.
U «krytych» turmach zaraz znachodziacca palitviaźni Mikałaj Aŭtuchovič, Mikałaj Statkievič, Źmicier Daškievič, Jaŭhien Vaśkovič.
