Takaja skuranaja kanapa kaštuje ŭ adnym ź miebielnych sałonaŭ Minska bolš za 23 młn rubloŭ.
Pra heta paviedamiŭ siońnia na IX Mižnarodnym forumie pa bankaŭskich infarmacyjnych technałohijach «BankIT'12» namieśnik staršyni praŭleńnia Nacyjanalnaha banka Biełarusi Siarhiej Dubkoŭ.
Naprykład, u Italii ŭviedzienaja zabarona na apłatu najaŭnymi pakupak na sumu, jakaja pieravyšaje 1000 jeŭra, u Hrecyi — na sumu zvyš 1500 jeŭra, u Francyi — na sumu zvyš 3000 jeŭra, adznačyŭ Dubkoŭ.
Taksama płanujecca vyklučyć mahčymaść vypłaty spažyŭcu najaŭnych hrašovych srodkaŭ u vypadku viartańnia tavaru (raboty, pasłuhi), apłačanaha bieznajaŭnymi hrašovymi srodkami ŭ sumie, jakaja ŭ 100 i bolš razoŭ pieravyšaje pamier bazavaj vieličyni, ustalavany na dzień realizacyi spažyŭcu.
Pry hetym u Biełarusi płanujecca pašyryć praduhledžany zakanadaŭstvam pieralik abjektaŭ, u jakich pavinnyja ŭstaloŭvacca terminały dla bieznajaŭnaj apłaty z vykarystańniem bankaŭskich płastykavych kartak. Prava vybaru bieznajaŭnaj formy apłaty tavaru, pracy ci pasłuhi pavinna być dadzienaje spažyŭcu na zakanadaŭčym uzroŭni, ličyć pradstaŭnik Nacbanka.
Taksama ŭ Biełarusi prapanujecca vykarystoŭvać dyfierencyjavany padychod pry ŭstalavańni arendnaj płaty dla pamiaškańniaŭ, u jakich jość albo adsutničaje terminalnaje abstalavańnie dla pryjomu płaciažoŭ u bieznajaŭnaj formie.
Hetyja i inšyja prapanovy płanujecca zamacavać zakanadaŭča, što daść mahčymaść stvaryć umovy dla ažyćciaŭleńnia raźlikaŭ u śfiery roźničnaha handlu i pasłuh pieravažna ŭ bieznajaŭnaj formie, adznačyŭ Siarhiej Dubkoŭ.
Taksama płanujecca arhanizavać pieravažna kruhłasutačny dostup trymalnikaŭ kartak da abstalavańnia samaabsłuhoŭvańnia (infakijoski, bankamaty). Budzie prapracavanaje pytańnie ŭkaranieńnia bieskantaktnych technałohij pry praviadzieńni nasielnictvam raźlikaŭ u bieznajaŭnaj formie, uklučajučy pytańnie apłaty prajezdu ŭ hramadskim transparcie. Płanujecca padklučyć novych raźlikovych i apłatnych ahientaŭ, vytvorcaŭ pasłuh da ARIP, dapoŭnić pieralik novymi vidami pasłuh, jakija pradstaŭlajucca da apłaty ŭ bieznajaŭnaj formie.
Usio vyšejpieraličanaje praduhledžana mierapryjemstvami Prahramy raźvićcia ŭ Respublicy Biełaruś sistemy bieznajaŭnych raźlikaŭ pa roźničnych płaciažach z vykarystańniem sučasnych elektronnych płaciežnych instrumientaŭ i srodkaŭ płaciažu na 2013–2015 hady, prajekt jakoj padrychtavany Nacyjanalnym bankam. Meta prahramy — daviadzieńnie da 2016 hoda doli bieznajaŭnaha hrašovaha abarotu ŭ roźničnym tavaraabarocie arhanizacyj roźničnaha handlu i ŭ abjomie płatnych pasłuh nasielnictvu da 50%. Pry hetym nahruzka na apłatny terminał dla praviadzieńnia bieznajaŭnych raźlikaŭ u śfiery roźničnaha handlu i pasłuh pavinnaja skłaści nie bolš za 160 kartak.
Prajekt prahramy byŭ raźmieščany na aficyjnym sajcie Nacyjanalnaha banka i nakiravany zacikaŭlenym orhanam dziaržaŭnaha kiravańnia, bankam.«Prapanovy i zaŭvahi, što pastupili ad respublikanskich orhanaŭ dziaržaŭnaha kiravańnia, bankaŭ, hramadzian, razhledžanyja i ŭličanyja. Paśla padrychtoŭki kančatkovaj redakcyi prajekta prahramy jon budzie ŭniesieny na razhlad Savietu Ministraŭ», — paviedamiŭ Siarhiej Dubkoŭ.
Na 1 listapada 2012 h. pakazčyk pa doli bieznajaŭnaha hrašovaha abarotu ŭ roźničnym tavaraabarocie dasiahnuŭ 12,8%. Pakazčyk pa doli bieznajaŭnaha hrašovaha abarotu ŭ abjomie płatnych pasłuh nasielnictvu raźličvajecca raz na hod i za 2011 hod skłaŭ 10,8%.
Bankami Biełarusi vypuskajucca ŭ abaračeńnie kartki ŭnutranaj płaciežnaj sistemy «BiełKart» i mižnarodnych płaciežnych sistem VISA i MasterCard. Na 1 kastryčnika 2012 hoda na dolu emisii kartak unutranaj płaciežnaj sistemy «BiełKart» prypadała 47,5% ad ahulnaj kolkaści kartak u zvarocie, mižnarodnaj apłatnaj sistemy VISA — 36,7%, MasterCard — 15,8%. U cełym emisija kartak pieravysiła 10 młn adzinak, kolkaść dziejnych rachunkaŭ, da jakich vydadzienyja kartki, — 9,8 młn. U bolš čym 34 tys. arhanizacyj handlu (servisu) ustalavana zvyš 52 tys. płaciežnych terminałaŭ dla bieznajaŭnych raźlikaŭ z vykarystańniem kartak, funkcyjanuje 4143 infakijoski dla bieznajaŭnaj apłaty pasłuh, 3528 bankamataŭ, u 97% jakich trymalniki kartak mohuć nie tolki atrymlivać najaŭnyja hrošy, ale i ažyćciaŭlać bieznajaŭnyja płaciažy.
Na 1 kastryčnika 2012 dola bieznajaŭnych apieracyj u apieracyjach z kartkami ŭ siarednim pa respublicy dasiahnuła 61,9% pa kolkaści apieracyj i 18,7% pa sumie apieracyj, pavialičyŭšysia za apošnija čatyry z pałovaj hady na 25 i 12 pracentnych punktaŭ adpaviedna pa kolkaści i pa sumie apieracyj.
