Łazavik: Kali b Statkievič paprasiŭ ab vyzvaleńni, jaho, napeŭna, vypuścili b 16

Pavodle słoŭ Łazavika, jon daŭno asabista znajomy z eks-kandydatam u prezidenty Mikałajem Statkievičam i ŭpeŭnivaje, što raniej palityk byŭ bolš pamiarkoŭny ŭ svaich palityčnych pazicyjach.

«Mnie padajecca, što jon śpiecyjalna vypracoŭvaje ŭ hramadstvie taki svoj imidž pakutnika. Kali b jon chacieŭ vyzvalicca — jon by ŭžo vyzvaliŭsia. Dla hetaha dastatkova było b napisać adpaviednuju zajavu. I jano (pytańnie ab vyzvaleńni — Jeŭraradyjo) było b, chutčej za ŭsio, vyrašana stanoŭča. Ale heta jaho asabisty vybar — jon tak, jak mnie padajecca, vyznačyŭsia ŭ svaich pavodzinach».

Sakratar CVK pryhadvaje, što padčas «šturma» Doma ŭrada jon znachodziŭsia ŭ svaim kabiniecie i vymušany byŭ vyklučyć śviatło i navat kamputar z-za niebiaśpieki, što «demanstranty zapuściać u jaho kamianiom».

Nahadajem, Mikoła Statkievič byŭ zatrymany paśla prezidenckich vybaraŭ, u jakich udzielničaŭ u jakaści kandydata. 26 traŭnia 2011 hoda asudžany za arhanizacyju «masavych biesparadkaŭ» da 6 hadoŭ pazbaŭleńnia voli va ŭmovach uzmocnienaha režymu. Znachodzicca ŭ turmie № 4 h. Mahilova.

0

0

0

0

0

0

Jeŭraradyjo

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH