Paśla vizitu ŭ Tajłand prezident Barak Abama naviedaŭ Mjanmu (kolišniuju Birmu). Heta pieršy u historyi vizit kiraŭnika ZŠA ŭ hetu krainu.
Barak Abama sustreŭsia z prezidentam Tejnam Sejnam, a taksama ź lidaram apazicyi Aun San Su Čžy
Sustreča ź joj adbyłasia ŭ jaje domie ŭ Ranhunie, dzie jana praviała pad chatnim aryštam bolš za 15 hadoŭ i była vyzvalenaja ŭ 2010 hodzie. Abama nazvaŭ Aun San Su Čžy «ikonaj demakratyi» i padkreśliŭ važnaść taho, kab jaje kraina «zachavała impuls demakratyzacyi».
Aficyjnyja pradstaŭniki ZŠA kažuć, što vizit prezidenta — heta znak padtrymki demakratyčnych reformaŭ, jakija pačalisia ŭ Mjanmie paśla dziesiacihodździaŭ žorstkaj vajskovaj dyktatury.
Pravaabaroncy paviedamlajuć, što prynamsi 50 birmanskich palitviaźniaŭ byli vyzvalenyja napiaredadni vizitu Abamy.