18 listapada žychar Homiela Stanisłaŭ Jalenski viartaŭsia z Ukrainy praz pamiežny punkt propusku «Novaja Huta», dzie byŭ spynieny pamiežnikami dla pilnaha nadhladu. Pryčynaj dla hetaha stała aplikacyja na zadnim škle aŭto — miadźviedzik z parašutam, jakija trymaje ŭ rukach cydułku «Priviet PVO!».
«Da tavaraŭ, jakija ja vioz z Čarnihava, u pamiežnikaŭ nie było nijakich pretenzij. Vartavy miažy zacikaviŭsia miadźviedzikam i spytaŭsia, što aznačaje hetaja aplikacyja? Ja adkazaŭ, što ja źjaŭlajusia dobraachvotnym pamočnikam pamiežnikaŭ pa vyjaŭleńni nizka latajučych samalotaŭ i pry častym pierasiačeńni miažy padčas stajańnia ŭ čerhach saču za pavietranaj prastoraj, kab vorah nie pranik na našu terytoryju», — patłumačyŭ Stanisłaŭ Jalenski.
Tłumačeńni, vidać, nie spadabalisia pamiežniku, bo toj vyklikaŭ načalnika źmieny, i aŭtamabil hamielčuka adahnali dla taho, kab razabracca.Razborki zaklučalisia ŭ tym, što pryjšoŭ inšy pamiežnik z fotaaparatam i va ŭsich rakursach sfatahrafavaŭ miedźviedziania na zadnim škle aŭtamabila. «Ja kazaŭ, što, maŭlaŭ, sfatahrafujcie i mianie z maim miškam — heta ž ja jaho pryručyŭ, ale pamiežniki admovilisia», — zaznačyŭ kiroŭca.
Jon dadaŭ, što pakryŭdziŭsia na pamiežnikaŭ, jakija nie acanili jaho paryŭ dobraachvotnaha nahladalnika za pavietranaj prastoraj.
0
0
0
0
0
0