Pamior vakalist VIA «Siniaja ptuška», uradženiec Homielščyny Siarhiej Drazdoŭ

Pra heta paviedamiŭ BiełaPAN kiraŭnik partała Experty.by, muzyčny ekśpiert Dźmitryj Biezkaravajny.

Vykanaŭca pamior 18 listapada ŭ Tambovie (Rasija) va ŭzroście 57 hadoŭ paśla praciahłaj chvaroby.

Siarhiej Drazdoŭ uvajšoŭ u historyju jak adzin ź viadomych hałasoŭ Savieckaha Sajuza, vykanaŭca znakamitych piesień «Tam, dzie klon šumić», «Na rostaniach», «Mamina płaścinka», «Dyk voś jakaja ty», «Ja idu tabie nasustrač» i mnohich inšych.

Jon naradziŭsia i vyras u vioscy Milča pad Homielem.

Paśla zakančeńnia muzyčnaj škoły pastupiŭ u muzyčnaje vučylišča imia Sakałoŭskaha, dzie byŭ zasnavany VIA «Hałasy Paleśsia». U 1975 hodzie z prychodam bratoŭ Bałotnych i pierajezdam u Rasiju ansambl staŭ nazyvacca «Siniaja ptuška».

Jak adznačyŭ Biezkaravajny, Siarhiej Drazdoŭ nie zabyvaŭ pra svaje karani. Hod tamu jon raskazaŭ u ŚMI, što ŭ pašparcie zaŭsiody byŭ zapisany biełarusam, pakul hetu hrafu nie admianili.

«Na pieršych płaścinkach u mianie navat charakterny akcent jość — kali čuju hetyja zapisy, uśmichajusia, — raskazvaŭ jon. — Pakolki muzyka — heta praca, to pa-za scenaj ja praktyčna nie śpiavaju. Ale kali ŭžo zaśpiavaju, to paleskija pieśni majoj babuli: «Za tumanam», «Zialonaja višnia».

Pra miesca i čas pachavańnia pakul nie paviedamlajecca.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH