Chłopiec, jaki skočyŭ pa mabilnik u minskim mietro, moža być aštrafavany na 500 tys.: padrabiaznaści incydentu 4

Administracyjny pratakoł za parušeńnie praviłaŭ karystańnia mietrapalitenam składzieny supracoŭnikami UUS pa achovie Minskaha mietrapalitena ŭ dačynieńni da 23-hadovaha žychara Mazyra, jaki skoknuŭ na rejki mietro pa svoj mabilnik.

Małady čałaviek moža być aštrafavany na paŭmiljona rubloŭ.

Incydent adbyŭsia 8 listapada ŭ 8.28 na stancyi «Kamiennaja Horka».

Chłopiec padychodziŭ da elektraciahnika, trymajučy ŭ rukach mabilny telefon. Adzin z pasažyraŭ zakranuŭ jaho, aparat vypaŭ z ruk i, raźlacieŭšysia na niekalki častak, zvaliŭsia pamiž pieronam i ciahnikom na čyhunačnyja šlachi.

Paśla taho jak ciahnik kranuŭsia, chłopiec nie prydumaŭ ničoha lepšaha, jak spuścicca pa telefon uniz.

Jon saskočyŭ na rejki, sabraŭ častki svajho mabilnika, adna ź jakich apynułasia ŭ niepasrednaj blizkaści ad krynicy vysokaha napružańnia.

Chłopiec zastaŭsia žyvy tolki dziakujučy tamu, što dziažurnaja pa stancyi, zaŭvažyŭšy niebiaśpiečny skačok, adrazu ž źniała napruhu z kantaktnaj rejki.

Vybracca maładomu čałavieku dapamahli pasažyry, nieŭzabavie jon byŭ zatrymany.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH