Ukraina kupiła pieršyja 3 młn kubamietraŭ hazu ŭ Hiermanii 9

— paviedamiła 5 listapada infarmavanaja krynica ŭ Ministerstvie enierhietyki i vuhalnaj pramysłovaści Ukrainy haziecie «Dzierkało tižnia».

Pavodle infarmacyi haziety, usiaho za pieršy tydzień pastavak — z 1 pa 8 listapada — «Naftahaz Ukrainy» choča atrymać da 8 młn kub.m hazu. Haz kuplajecca ŭ niamieckaj kampanii RWE i idzie praz terytoryju Polščy. Pakul što damova z RWE praduhledžvaje pastaŭki 1,4 młrd kub.m hazu ŭ hod z mahčymym pavieličeńniem da 4–5 młrd kubamietraŭ.

U sakaviku hetaha hoda prem'jer-ministr Azaraŭ zajaviŭ, što Ukraina hatovaja kuplać rasijski haz u niamieckaj kampanii RWE, kali hazavyja pieramovy z Rasijaj skončacca pravałam.

«U vypadku niaŭdałaha vyniku pieramovaŭ z Rasijaj Ukraina budzie kuplać faktyčna rasijski haz u niamieckaj kampanii, što budzie tańniej, čym naŭprost z Rasii. Heta było b paradaksalna», — adznačyŭ tady Azaraŭ. Realizavać takuju schiemu, pa słovach kiraŭnika ŭrada, možna mietadam tak zvanaha reviersnaha patoku, praz trubapravody Słavakii. Paśla hetaha kampanii «Naftahaz Ukrainy» i RWE Supply & Trading GmbH (Hiermanija) zaklučyli ramačnaje pahadnieńnie ab kupli-prodažy pryrodnaha hazu. Va ŭkrainskaj kampanii adznačyli, što pahadnieńnie stvaraje jurydyčnyja asnovy dla mahčymych pastavak pryrodnaha hazu z boku RWE i razam z tym nie ŭtrymlivaje abaviazańniaŭ bakoŭ pa abaviazkovym ažyćciaŭleńni pakupki ci prodažu enierharesursu. U vieraśni jeŭrakamisar pa pytańniach enierhietyki Hiunter Etynhier zajaviŭ, što mahčymaści dla pastavak hazu ź Jeŭropy va Ukrainu ŭžo jość, «ale patrebien peŭny čas dla vyrašeńnia techničnych pytańniaŭ, tak što paŭnavartasnyja pastaŭki mohuć pačacca da siaredziny 2014 hoda».

dt.ua

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH