Aktyvisty zarehistravanaj u Čechii mižnarodnaj arhanizacyi «Małady front» šukajuć jaje kiraŭnika Źmitra Daškieviča. Jany naviedajuć turmy ŭ Žodzinie, Hrodnie i Mahilovie, kab pasprabavać adšukać palitviaźnia.
Jak paviedamlaje Nasta Pałažanka, niaviesta Daškieviča, za vychodnyja tak i nie zmahła vyśvietlić, dzie jon znachodzicca. Niama jaho ni ŭ Mahilovie, ni ŭ Hrodnie.
A ŭ apošnim liście, jaki Daškievič dasłaŭ z Mazyrskaj kałonii, jon nie vyklučyŭ, što na novaje miesca adbyćcia pakarańnia jaho buduć etapavać praź pierasylnuju turmu ŭ Mahilovie.
30 kastryčnika vyjazny Mazyrski sud pastanaviŭ pieravieźci lidara MF z mazyrskaj kałonii ŭ «krytuju» turmu.
Nahadajem, što 19 vieraśnia Daškieviča pieraviali ŭ papraŭčuju kałoniju № 20, jakaja mieścicca ŭ Mazyry. 21 vieraśnia jon abviaściŭ haładoŭku ŭ suviazi «nialudskimi pavodzinami administracyi kałonii, u tym liku jaje načalnika Juryja Zbaroŭskaha».
28 žniŭnia 2012 hoda na zakrytym vyjaznym pasiadžeńni sud pryznaŭ Źmitra Daškieviča vinavatym u «złosnym niepadparadkavańni patrabavańniam administracyi papraŭčaj ustanovy» i pakaraŭ jaho dadatkovym hodam pazbaŭleńnia voli.
