Kab vykanać hadavy płan pa inflacyi, urad choča zamarozić ceny 5

U Biełarusi da kanca 2012 hoda moža być uviedzieny maratoryj na rost niekatorych cen i taryfaŭ. Pra heta zajaviŭ pieršy vice-premjer Uładzimir Siamaška na pasiadžeńni Savieta Ministraŭ.

«U metach biezumoŭnaha vykanańnia prahnoznych paramietraŭ pa ŭzroŭni inflacyi Ministerstvu ekanomiki da kanca hoda nieabchodna ŭvieści maratoryj na pavyšeńnie cenaŭ i taryfaŭ

pa tych pazicyjach, jakija nie ŭklučany ŭ hrafik», — skazaŭ Uładzimir Siamaška.

Zakranajučy ŭ cełym cenavaje rehulavańnie, jon padkreśliŭ, što situacyja kantralujemaja. Indeks spažyvieckich cen za studzień-vierasień 2012 skłaŭ 116,1%, abo 1,8% u miesiac. «U cełym pa vynikach hoda inflacyja nie pavinna pieravysić 19–22%, — skazaŭ pieršy vice-premjer. —

Razam z tym nieabhruntavanaje pavyšeńnie ŭ niekatorych vypadkach zarabotnaj płaty stvaraje pieradumovy dla rostu inflacyi zvyš prahnoznaha ŭzroŭniu i moža paŭpłyvać na kančatkovy vynik».

Tamu dla biezumoŭnaha vykanańnia prahnozu pa paramietrach inflacyi i płanujecca da kanca hoda zamarozić ceny i taryfy pa niekatorych pazicyjach.

BiełTA

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH