Kampanija Bosch pakul nie płanuje realizoŭvać novyja prajekty ŭ Biełarusi 1

«Nam nieabchodna raźvivać staryja prajekty ŭ Biełarusi i zamacavacca, naprykład, u takich kirunkach, jak technika dla biaśpieki. Dalej žyćcio pakaža, u čym my pavinny raźvivacca, u čym maje patrebu Biełaruś. Bosch, viadoma, pojdzie nasustrač i budzie šukać, što novaje prapanavać hetamu rynku», — zajaviŭ jon.

Siarod apošnich prajektaŭ Rybałoŭleŭ nazvaŭ rekanstrukcyju Biełdziaržcyrka i Nacyjanalnaha akademičnaha teatra imia Ja.Kupały, kamplektavańnie sistem videanazirańnia i biaśpieki na pahranpierachodach «Damačava» i «Kazłovičy», na BiełAZie, raźvićcio sistemy servisnaha absłuhoŭvańnia STA,

asnaščeńnie i servis elektrainstrumientaŭ budaŭničych kampanij, pašyreńnie prodažu i servisu bytavoj techniki, pastaŭku kampanientaŭ na Minski matorny zavod.

«Dziakujučy mahčymaściam Mytnaha sajuza Biełaruś moža ŭvajści ŭ bolš ciesny kantakt z našaj dziejnaściu ŭ Maskvie. Heta daje nam mahčymaść palepšyć našu łahistyku i vykarystać łahistyčnyja mahčymaści maskoŭskaha ofisa. Heta palepšyć mahčymaści viadzieńnia biźniesu ŭ Biełarusi», — miarkuje paŭnamocny pradstaŭnik hrupy Bosch u Rasii, va Ukrainie, u Biełarusi, Siaredniaj Azii i na Kaŭkazie Hierchard Pfajfier.

Pavodle jaho słoŭ, 80% abarotu kampanii ŭ hetych rehijonach prypadaje na Rasiju. «Ale i astatnija krainy źjaŭlajucca dla nas vielmi važnymi siehmientami rynku z dobrymi mahčymaściami. Biełaruś taksama źjaŭlajecca składalnaj častkaj hetaha rynku, i vielmi pryciahalnaj častkaj», — miarkuje jon.

Na pytańnie pra dalejšaje supracoŭnictva ź Minskim matornym zavodam Pfajfier skazaŭ: «Ja spadziajusia, što z uviadzieńniem standartaŭ Jeŭra-4 u Rasii i Biełarusi pieravahi buduć addadzieny mienavita Bosch, jak lidaru siarod pradpryjemstvaŭ pa vytvorčaści pryboraŭ, što adpaviadajuć hetym standartam, i heta stvoryć mahčymaść dla novych dziełavych kantaktaŭ». Jon zaznačyŭ, što Minski matorny zavod užo davoli daŭno supracoŭničaje z kampanijaj Bosch i źjaŭlajecca «važnym i dobrym klijentam». «Zaraz my supracoŭničajem ź imi ŭ aptymizacyi matoraŭ. My taksama kłapocimsia, kab našy klijenty mahli adpaviadać vysokim standartam», — skazaŭ Pfajfier.

Adnosna płanaŭ supracoŭnictva ŭ śfiery zborki bytavoj techniki jon zaznačyŭ: «My adkryli sioleta centry pa vytvorčaści bytavoj techniki ŭ Sankt-Pieciarburhu, i my pakul nie płanujem u rehijonie krain SND adkryvać novyja vytvorčaści».

Pavodle słoŭ Pfajfiera, u 2011 hodzie abjom prodažu kampanii ŭ śviecie dasiahnuŭ 51,5 młrd. jeŭra. U Bosch pracujuć 300 tys. čałaviek. Letaś kampanija ŭkłała ŭ navukovyja raspracoŭki 4,2 młrd. jeŭra i padała zajaŭki na atrymańnie 4.100 patentaŭ.

Maryna Nosava, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH