U pałacie pradstaŭnikoŭ zaviaršyłasia vyłučeńnie kandydataŭ na pasady staršyniaŭ profilnych kamisij. Hałasavańnie pa kiraŭnikach usich 14 kamisij budzie prachodzić na biezalternatyŭnaj asnovie.
Vyłučeńnie pretendentaŭ prachodziła pa adnolkavaj schiemie: adzin z deputataŭ prapanoŭvaŭ kandydaturu, zatym vystupali sam pretendent i niekalki deputataŭ u jaho padtrymku.
Nivodny z deputataŭ samastojna svaju kandydaturu na pasadu staršyni kamisii nie vyłučaŭ.
Na pasadu staršyni kamisii pa zakanadaŭstvie vyłučana Ludmiła Michalkova (da abrańnia — staršynia Homielskaha abłasnoha suda); dziaržaŭnym budaŭnictvie i miascovym samakiravańni — Alaksandr Zazula (deputat čaćviortaha sklikańnia); nacyjanalnaj biaśpiecy — Alaksandr Miažujeŭ (načalnik Hałoŭnaj vajennaj inśpiekcyi Uzbrojenych sił); ekanamičnaj palitycy — Uładzimir Kraŭcoŭ (pieršy namieśnik staršyni Mahiloŭskaha abłvykankama); biudžecie i finansach — Ludmiła Dabrynina (staršynia Aršanskaha haradskoha Savieta deputataŭ); ahrarnych pytańniach — Viktar Ščaćko (namieśnik staršyni Minskaha abłvykankama); pytańniach ekałohii, pryrodakarystańnia i čarnobylskaj katastrofy — Siarhiej Kanoplič (uznačalvaŭ hetuju ž kamisiju ŭ PP NS minułaha sklikańnia); pravach čałavieka, nacyjanalnych adnosinach i srodkach masavaj infarmacyi — Andrej Navumovič (staršynia Hrodzienskaha abłasnoha Savieta deputataŭ); adukacyi, kultury i navucy — Hienadź Palčyk (dyrektar
