Lehiendarny biełaruskirok-hurt N.R.M. niečakana dla ŭsich adpraviŭ zajaŭku na ŭdzieł u biełaruskim adbory na konkurs «Jeŭrabačańnie 2013». «My chočam udzielničać i pieramahčy», — kaža Pit Paŭłaŭ.
N.R.M. adpravili svaju novuju pieśniu «Kuźnička» i pakiet nieabchodnych dakumientaŭ 22 kastryčnika, u apošni dzień pryjomu zajavaŭ dla ŭdziełu ŭ konkursie. «My daviedalisia litaralna ŭ piatnicu, što zaraz idzie adbor. Pakul vyrašali, pakul prajšli našyja ŭnutranyja biurakratyčnyja pracedury, jak raz nastupiŭ apošni dzień. Ale i heta simvalična: u apošniuju siekundu, u apošni vahon adychodziačaha ciahnika… My zaŭsiody ŭsio tak robim», — kaža Pit Paŭłaŭ.
Novaja pieśnia — «Kuźnička» — heta stylizacyja pad narodnuju pieśniu. «Heta zvyčajnaja bytavaja historyja pra luboŭnuju intryžku pamiž kavalom i kabietaj, — raspaviadaje Pit. — Siuzana, ci prosta Ziuziečka, źviarnułasia da maładoha pryhožaha kavala, kab jon abuŭ joj koniečka, i pamiž imi zaviazałasia pałkaje kachańnie. Čym skončyłasia historyja — nieviadoma, ale, mahčyma, i viasiellem».
Paŭfinał adboru, dzie hałasuje tolki žury, zapłanavany na siaredzinu listapada. Sam finał, dzie ŭžo hałasavać buduć i hledačy, projdzie 7 śniežnia ŭ studyi Biełteleradyjokampanii.
