Na internet-aŭkcyjon vystaŭleny tvor Jazepa Drazdoviča - fota + kamientar Alesia Maračkina 2

Na internet-aŭkcyjonieTut.by źjaviŭsia malavany dyvan z aŭtohrafam mastaka.

Pradaviec datuje jaho 1951 hodam. Viadoma, što ŭ apošnija hady žyćcia Jazep Drazdovič, nie majučy zarobkaŭ, vandravaŭ pa Paŭnočnaj Biełarusi i malavaŭ takija dyvany, kab prakarmicca.

Dyvan, napisany alejnymi farbami, dosyć dobra zachavaŭsia.

Jaho zajaŭlenaja cana — 1700 dalaraŭ (blic-cana — 2500). Handal pry hetym jašče nie pačaŭsia.

Da kanca ž tarhoŭ zastałosia 23 dni (apošni dzień — 8 listapada).

«Takija rečy źjaŭlajucca na internet-akcyjonach nie kožny dzień, — skazaŭ „Našaj Nivie“ mastak Aleś Maračkin, śpiecyjalist pa tvorčaści Drazdoviča. —

Heta samy sapraŭdny Drazdovič. I styl, i podpis nie pakidajuć sumnievaŭ.

Heta nie adziny dyvan Drazdoviča, jaki „hulaje“ ŭ siecivie. Tvor vymahaje restaŭracyi, ale nieskładanaj — ja mahu sam uziacca za jaje. Tam treba padnavić farbu i papracavać z tkaninaj.

Cana za jaho nie pierabolšanaja. Ceny dla Drazdoviča zvyčajnyja».

JUU

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH