Mercedes vypuścić kampaktny krasovier u styli G-Class 1
Kiraŭnictva Mercedes zadumałasia pra vypusk kampaktnaj viersii znakamitaha G-Class.
Aŭtamabil atrymaje taki ž «kvadratny» dyzajn i budzie kankuravać z novym Land Rover Defender, jaki źjavicca ŭ najbližejšyja dva hady. Pra heta paviedamlaje časopis Car.
U štab-kvatery Mercedes užo navat źjaviłasia kodavaja nazva madeli — X156. Brytanskija žurnalisty ličać, što rynkavaja viersija moža atrymać nazvu GLG. Płatforma navincy dastaniecca, miarkujučy pa ŭsim, ad A-Class. Takim čynam, kankurent Defender budzie ŭjaŭlać saboj «brutalnuju» viersiju GLA.
Krynicy ŭ Daimler śćviardžajuć, što źjaŭleńnie novaha ŭsiedarožnika nijak nie paŭpłyvaje na los budučaha pakaleńnia GLK. U liniejku siłavych ahrehataŭ dla GLG uvojduć bienzinavyja i dyzielnyja matory abjomam ad 1,6 da 2,1 ł, jakija raźvivajuć ad 122 da 204 k.s. U tym vypadku, kali sioleta madel atrymaje «zialonaje śviatło», jana moža źjavicca na kanviejery ŭžo da 2015 hoda.