Va Ukrainie prapanavali abmiežavać u pravie zajmać peŭnyja pasady hramadzianam, jakija ŭ minułym supracoŭničali z KHB SSSR abo sa śpiecsłužbami inšych dziaržaŭ. Pra heta skazana ŭ zakonaprajekcie «Ab lustracyi», jaki ŭ Viarchoŭnuju Radu ŭnieśli deputaty ad frakcyi «Naša Ukraina — Narodnaja samaabarona».
Dziejańnie dakumienta raspaŭsiudžvajecca na asob, jakija źjaŭlalisia ahientami, rezidentami abo niaštatnymi rabotnikami KDB da 1991 hoda, a taksama tajemnymi infarmatarami luboj zamiežnaj vyviedki.Zhodna z zakonaprajektam, hetyja hramadzianie nie mohuć na praciahu piaci hadoŭ zajmać kirujučyja pasady ŭ orhanach zakanadaŭčaj, vykanaŭčaj i sudovaj ułady, pravaachoŭnych orhanach Ukrainy.
Deputaty taksama prapanavali pravieści abaviazkovaje apytańnie siarod dziaržsłužačych na pradmiet supracoŭnictva sa śpiecsłužbami.
Pryčym utojvańnie fakta takoha supracoŭnictva moža stać padstavaj dla zvalnieńnia.
Praviarać infarmacyju, vykładzienuju ŭ lustracyjnych zajavach (pryznańniach), budzie śpiecyjalna stvoranaja kamisija ŭ składzie siami čałaviek.
Varta adznačyć, što «Naša Ukraina — Narodnaja samaabarona» — nievialikaja apazicyjnaja frakcyja i hety zakon nie maje šancaŭ być pryniatym.
0
0
0
0
0
0
