Na vulicy Uschodniaj źbirajucca budavać kompleks panelnych damoŭ. Za mietr prosiać $1000-1200 1

Na miescy aŭtabazy pradpryjemstva «Savaŭto-Minsk» (skryžavańnie vuł. Uschodniaj i Alešava ŭ Savieckim rajonie) zapłanavana pabudavać try žyłyja damy ŭ bujnapanelnym vykanańni — dva 10-paviarchovych i adzin 19-paviarchovy. Abjaŭleny i košt kvadratnaha mietra — ad 1000 da 1200 dalaraŭ u zaležnaści ad kvatery.

Tak siońnia vyhladaje terytoryja mierkavanaj zabudovy.

Zabudoŭščyk pryvodzić schiemu ŭčastka.

Jak adznačajecca na sajcie, budoŭla pavinnaja pačacca ŭ śniežni 2012 — studzieni 2013 hoda, hienieralnym padradčykam abrany MAPID. Nabyćcio kvater budzie mahčymaje šlacham dolevaha ŭdziełu hramadzian u budaŭnictvie. Vychad prajektnaj dekłaracyi čakajecca ŭ kancy hetaha hoda.

Dadamo, što siońnia jašče dva zabudoŭščyki prapanujuć hatovyja kvatery ŭ dadzienym kvartale. Za mietr u karkasna-błokavych damach na vuł. Alešava prosiać 1100–1200 dalaraŭ. Takuju ž canu jašče da pačatku budaŭnictva prosić «Intechnabud», ale tolki za panelnaje žyllo.

Adnosna pierśpiektyvaŭ raźvićcia panelnaha domabudavańnia ŭ Minsku nie raz vykazvaŭsia hałoŭny architektar horada Alaksandr Piatroŭ, jaki nie chavaje svajho niehatyŭnaha staŭleńnia da takoha typu žylla. Pavodle jaho słovaŭ, jano nie nadaje horadu naležnaj estetyki i spryjaje pavieličeńniu kolkaści pryjezdžych z rehijonaŭ. «Horad narešcie pryniaŭ rašeńnie: zabaranić kamiercyjnaje budaŭnictva panelnych damoŭ, — skazaŭ Piatroŭ ŭ adnym ź niadaŭnich intervju. — Kali ty kamiersant — buduj darahoje žyllo, jakoje ŭpryhožyć horad». Na zapłanavanuju budoŭlu pa vuł. Uschodniaj, vidavočna, dadzienaje rašeńnie nie raspaŭsiudžvajecca.

0

0

0

0

0

0

realt.onliner.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH