Vyzvaleńniem viciebskaha apazicyjaniera Siarhieja Kavalenki biełaruskija ŭłady sprabujuć tarhavacca ź Jeŭrasajuzam. Takoje mierkavańnie vykazaŭ palitołah Valeryj Karbalevič.
«Pierad biełaruskimi ŭładami stajać dźvie zadačy.
Jon nahadaŭ, što biełaruskaje pytańnie budzie razhladacca Savietam ministraŭ zamiežnych spraŭ Jeŭrasajuza ŭ siaredzinie kastryčnika.
«Kab vyrašyć hetyja dźvie zadačy, i zrobleny taki previentyŭny krok. Tym bolš, Kavalenka sam napisaŭ prašeńnie ab pamiłavańni, — zaŭvažyŭ palitołah. — Dumaju, što Zachad całkam heta prymie.
Jeŭrasajuz zaraz nie zacikaŭleny ŭ niejkich novych niehatyŭnych krokach adnosna Biełarusi.Tym bolš ich ciažka prydumać, a tut jość takaja mahčymaść skazać, što, z adnaho boku, jość, viadoma, kanflikt sa Šviecyjaj, niedemakratyčnyja vybary, a z druhoha — vyzvalili čarhovaha palitźniavolenaha. Jość pryčyna jašče raz zajavić z usioj strohaściu, što treba vykonvać pravy čałavieka i vyzvalić astatnich palitźniavolenych».
Karbalevič miarkuje, što ES moža abmiežavacca takimi zajavami i bolš nie rabić nijakich rašučych dziejańniaŭ
Kali ž vyzvaleńnia adnaho Kavalenki Zachadu padasca niedastatkova, to, zaznačyŭ Karbalevič,
jość jašče Pavieł Syramołataŭ — adzin z anarchistaŭ, asudžanych za sprobu padpału budynka KDB u Babrujsku, jaki taksama napisaŭ prašeńnie ab pamiłavańni na imia Łukašenki.
«Dumaju, što jon — pieršy kandydat na vyzvaleńnie, kali adnym Kavalenkam sprava nie abmiažujecca», — skazaŭ Karbalevič.
