Makajeŭ adpraŭleny na Akreścina 1

Hramadski aktyvist Alaksandr Makajeŭ, jak miarkujecca, znachodzicca ŭ Centry izalacyi pravaparušalnikaŭ HUUS Minharvykankama,

paviedamiła kaardynatar hramadzianskaj inicyjatyvy «Za Svabodu» Hanna Šapućka.

Pavodle jaje słoŭ, ab tym, što Makajeŭ znachodzicca ŭ CIP, joj paviedamili va UUS Centralnaha rajona Minska.

«Mnie dziažurny skazaŭ, što na Makajeva składzieny pratakoł i jaho pavieźli ŭ CIP. Za što składzieny pratakoł, jon nie paviedamiŭ», — zajaviła Šapućka.

U toj ža čas, adznačyła jana, dziažurny ŭ CIP skazaŭ joj, što Makajeva tudy nie dastaŭlali.

«Ja telefanavała tudy niekalki razoŭ. Spačatku mnie skazali, što jaho tam niama, urešcie, mnie było zajaŭlena, što takuju infarmacyju pa telefonie nie dajuć», — skazała aktyvistka.

Alaksandr Makajeŭ byŭ zatrymany 23 vieraśnia ŭ Minsku pa darozie na pachavańnie Kryściny Šacikavaj. Milicyjaniery spynili jaho aŭtamabil, ubačyŭšy ŭ sałonie bieł-čyrvona-bieły ściažok. Pry praviercy aŭtamabila jany znajšli ŭlotki z zaklikam da bajkotu vybaraŭ i zatrymali aktyvista.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH