Jaki pracent jaŭki na hetym učastku (viedamaści na fotach)? 57%! dadadzienyja novyja foty 20

Karespandent «NN» vyrašyŭ paprysutničać na padliku hałasoŭ na adnym z učastkaŭ minskaj akruhi № 101. Učastak vybraŭ pieršy-lepšy, niedaloka ad miesca pražyvańnia. Takim čynam,

my na ŭčastku № 358 u zvyčajnaj staličnaj škole № 7.

Fota padčas padliku hałasoŭ. Viedamaści vybarcaŭ amal pustyja.

Fota padčas padliku hałasoŭ. Viedamaści vybarcaŭ amal pustyja.

Pavialičany kavałak papiaredniaha fota. Na adnym liście kala 6-7 podpisaŭ, na druhim - adzin!

Fota padčas padliku hałasoŭ. Viedamaści vybarcaŭ amal pustyja.

Pavialičany kavałak papiaredniaha fota. Na liście kala dvuch (?) podpisaŭ

Kamisija ŭ poŭnym zbory.

Staršynia kamisii sprava na piarednim płanie.

Vynikovy pratakoł

Spačatku krychu statystyki. U nas zarehistravana 2150 vybarcaŭ. Pavodle infarmacyi kampanii «Bajkot-2012»,

prahałasavać daterminova pryjšoŭ 231 (10,74%) vybarca.

Praŭda, ličby mohuć być i zavyšanyja, bo pieršyja dva dni naziralnikaŭ na ŭčastku nie było.

U dzień hałasavańnia vybarcaŭ było trochi bolš. Pavodle infarmacyi naziralnikaŭ ad ruchu «Za Svabodu»,

pa stanie na 19.00 naličyłasia jašče 290 (13,49%) čałaviek. Naziralniki z prałukašenkaŭskich arhanizacyj nazyvajuć inšuju ličbu — bolš za 400 čałaviek.

Kamisija, viadoma ž, ličyła pa-inšamu. Aficyjnyja padliki daterminovaha hałasavańnia śviedčać, što ŭ vybarach uziali ŭdzieł 855 čałaviek - roźnica ŭ padlikach padčas papiaredniaha hałasavańnia skłała kala 8,5%. Takim čynam,

navat kali brać infarmacyju prałukašenkaŭskich naziralnikaŭ i aficyjnyja daterminovyja padliki, atrymlivajecca, što prahałasavała nie bolš za 40% vybarcaŭ.

Adnak ci rašycca kamisija damalavać jašče bolš za 10%? Sačycie za anłajnam na NN.BY.

19.30. Vybarcy pa-raniejšamu iduć vielmi redka - pa adnym-dva za piać chvilin. Zdajecca, šancaŭ na 50%-uju jaŭku niama,

20.00. Učastak zakryŭsia, pačaŭsia padlik hałasoŭ.

20.27. Pryjaznaja kamisija paviedamiła, što biuleteń atrymała 1163 čałavieki. Heta 54% vybarcaŭ. Vybary adbylisia! Samaje śmiešnaje, što padčas padliku kolkaści tych, chto prahałasavaŭ, siabry kamisii nieznarok pakazvali staronki sa śpisami vybarcaŭ (ja sfatahrafavaŭ). Kolki prahałasavała nasamreč - hladzicie na fota siaredniestatystyčnaj staronki. Try podpisy na staroncy z bolš čym 20 vybarcaŭ...

Aproč taho, kolkaść zarehistravanych vybarcaŭ skaraciłasia amal da 2020 čałaviek. Takim čynam,

jaŭka skłała 57%.

20.30. Idzie padlik hałasoŭ za kožnaha kandydata. Ale chiba heta kahości cikavić?

20.30. Supier! U nas abviaščajuć pažarnuju niebiaśpieku. Patrabujuć evakuacyju.

21.30. Padlik hałasoŭ skončany. Praŭładny kandydat Kuźmič atrymaŭ 58%.

Jahor Marcinovič

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH