Nahladalniki ad Arhanizacyi pa biaśpiecy i supracoŭnictvu ŭ Jeŭropie (ABSIE) nie anhažyravany na pošuk admoŭnych momantaŭ na parłamienckich vybarach u Biełarusi. Takoje mierkavańnie vykazała staršynia CVK Lidzija Jarmošyna, padvodziačy vyniki sustrečy z karotkaterminovymi nahladalnikami ad misii ABSIE.
Kiraŭnik biełaruskaha Centrvybarkama adznačyła, što ŭ jaje zastalisia pazityŭnyja ŭražańni ad sustrečy z karotkaterminovymi nahladalnikami ABSIE.
"Pytańni zadavalisia dobrazyčliva, adkazy vysłuchoŭvalisia ŭvažliva. Jakich-niebudź pytańniaŭ, jakija śviedčyli b ab anhažyravanaści nahladalnikaŭ na admoŭny vynik, nie było", -skazała Lidzija Jarmošyna.
Kiraŭnictva Centrvybarkama Biełarusi sustrełasia siońnia z karotkaterminovymi nahladalnikami misii ABSIE i kiraŭnikom misii italjanskim parłamientaryjem, staršynioj kamiteta pa pravach čałavieka Parłamienckaj asamblei ABSIE Matea Miekačy.
U čas sustrečy Lidzija Jarmošyna aznajomiła karotkaterminovych nahladalnikaŭ ad ABSIE z chodam vybarčaj kampanii.
Nahladalnikam byli taksama dadzieny rastłumačeńni nakont taho, čamu nie vyjšli ŭ efir pieradvybarnyja vystupleńni kandydataŭ u deputaty z zaklikami da bajkotu vybarčaj kampanii.CVK bačyć u hetym pramoje parušeńnie vybarčaha zakanadaŭstva, pakolki biaspłatny čas na telebačańni i radyjo dajecca na pieradvybarnuju ahitacyju, heta značyć, nakiravanuju na zaklik pryniać udzieł u hałasavańni, a nie na zryŭ vybaraŭ.
Pradstaŭniki misii ad ABSIE cikavilisia arhanizacyjaj daterminovaha hałasavańnia i hałasavańnia doma, praviadzieńniem eksit-połaŭ, umovami raboty na vybarčych učastkach nahladalnikaŭ i žurnalistaŭ.
