Kampanija «Urałkalij» 20 vieraśnia padpisała miravyja pahadnieńni ź istcami, jakija pradstaŭlajuć pramych i ŭskosnych pakupnikoŭ chłorystaha kaliju ŭ ZŠA, na 10 młn. dołaraŭ ZŠA i 2,75 młn. dołaraŭ ZŠA adpaviedna.Pahadnieńni nabuduć moc paśla kančatkovaha ŭchvaleńnia fiederalnaha akruhovaha suda Paŭnočnaj Akruhi štata Ilinojs (ZŠA). Pra heta paviedamiła
U vieraśni 2008 hoda amierykanskija spažyŭcy chłorystaha kaliju padali hramadzianskija antymanapolnyja skarhi ŭ amierykanskija fiederalnyja sudy suprać «Urałkalija» i «Biełaruskaj kalijnaj kampanii» (BKK, trejdar pradukcyi kampanii), a taksama inšych vytvorcaŭ kaliju — «Biełaruśkalija», «Silvinita», Potash Corp., Mosaic i Agrium. U skarhach śćviardžałasia, što vytvorcy chłorystaha kaliju z 1 lipienia 2003 hoda ŭstanaŭlivali ceny košty na svaju pradukcyju ŭ parušeńnie amierykanskaha zakona Šermana.
U adpaviednaści z zaklučanymi miravymi pahadnieńniami, «Urałkalij» budzie vyzvaleny ad luboj adkaznaści, što datyčycca patrabavańniaŭ istcoŭ. BKK taksama budzie vyzvalena ad adkaznaści, jak i inšyja trejdary pradukcyi «Urałkalija» i «Silvinita» — Mižnarodnaja kalijnaja kampanija i Uralkali Trading SA.U miravych pahadnieńniach «Urałkalij» nie pryznaje siabie vinavatym u parušeńni amierykanskaha zakanadaŭstva i ličyć, što takoje ŭrehulavańnie sprečki najlepšym čynam adpaviadaje intaresam kampanii i dazvolić paźbiehnuć praciahłaj i zatratnaj sudovaj sprečki.
«Urałkalij» — adzin ź viadučych suśvietnych vytvorcaŭ kaliju z dolaj rynku prykładna 20%. Vytvorčyja aktyvy kampanii ŭklučajuć piać rudnikoŭ i siem uzbahačalnych fabrykaŭ, raźmieščanych u haradach Bieraźniki i Salikamsk (Piermski kraj). U hałoŭnym vytvorčym padraździaleńni kampanii pracujuć prykładna 12.500 supracoŭnikaŭ. Akcyi i hłabalnyja depazitarnyja raśpiski AAT «Urałkalij» abaračajucca na biržavych placoŭkach
ZAT «Biełaruskaja kalijnaja kampanija» — ekskluziŭny pastaŭščyk kalijnych uhnajeńniaŭ vytvorčaści AAT «Biełaruśkalij» i AAT «Urałkalij» na zamiežnyja rynki. BKK stvorana ŭ 2005 hodzie. Akcyjanierami kampanii źjaŭlajucca «Biełaruśkalij» (45%), Biełaruskaja čyhunka (5%) i «Urałkalij» (50%). BKK źjaŭlajecca najbujniejšym pastaŭščykom na suśvietnym rynku ekspartu kalijnych uhnajeńniaŭ, jaho dola — 42% abjomu suśvietnaha rynku ekspartu. U 2011 hodzie BKK ekspartavała 12,9 miljona ton chłorkaliju.
