U apošni čas pačaścilisia vypadki, kali ludzi, idučy ŭ les za hrybami i jahadami, hublajucca ŭ lesie, nie mohuć znajści darohu nazad samastojna, paviedamili ŭ MNS Biełarusi.
Kolkaść takich vypadkaŭ za dzień časam dasiahaje 3–4, a to i bolš,adznačajuć u MNS. Nie stała vyklučeńniem i siońniašniaje niadziela: zhubilisia ŭ lesie i ŭžo znajšlisia dva čałavieki ŭ Dubrovienskim rajonie Viciebskaj vobłaści. Ciapier supracoŭniki MUS i MNS sprabujuć vyznačyć miescaznachodžańnie muža i žonki ŭ lesie Kiraŭskaha rajona Mahiloŭskaj vobłaści, jakija, zbłudziŭšy, vyjšli pa mabilnym telefonie na suviaź z synam.
A ŭčora ŭ lesie Minskaha rajona znajšli adrazu čatyroch amataraŭ cichaha palavańnia, jakija zhubilisia. Ščaśliva skončyŭsia anałahičny vypadak i ŭ lesie Biarezinskaha rajona Minskaj vobłaści.
A voś u Pietrykaŭskim rajonie Homielskaj i Maładziečanskim rajonie Minskaj abłaściej pošukavyja pracy źnikłych hrybnikoŭ praciahvajucca.
U suviazi z hetym amataram źbirać hryby i jahady, asabliva pažyłym, varta vyrazna pamiatać prostyja praviły, jakija dapamohuć chutčej adšukać ich u lesie, źviartajuć uvahu supracoŭniki MNS. Tak,
źbirajučysia ŭ les, nieabchodna vybirać vopratku nie achoŭnych tonaŭ, jakaja źlivajecca z navakolnym asiarodździem, a jarkaha koleru. Asabliva važna mieć pry sabie mabilny telefon, kab pry nieabchodnaści vyjści na suviaź i paviedamić ab svaim miescaznachodžańni. Akramia taho, nie varta pahłyblacca ŭ les, kali miascovaść nie nadta znajomaja.
0
0
0
0
0
0
