Siarhiej Rutenka.
«Dynama» Minsk dvojčy abyhraŭ u kvalifikacyjnym raŭndzie turecki «Biešyktaš» i vyjšaŭ u hrupavy raŭnd handbolnaj Lihi čempijonaŭ.
Abodva matčy prajšli ŭ stalicy Biełarusi 8 i 9 vieraśnia i skončylisia, adpaviedna, ź likam 30:22 i 31:24.
«Dynama» vyjšła ŭ hrupavy raŭnd Lihi čempijonaŭ,dzie zhulaje ŭ hrupie «D» z zornaj «Barsiełonaj», «Kraacyjaj» z Zahraba, «Fiuchse» ź Bierlina, vienhierskim «Pikam» (Siehied), šviejcarskim «Kadetenam» z Šafchaŭzena.
Za «Barsiełonu», nahadajem, hulaje adzin z najmacniejšych hulcoŭ śvietu, piacirazovy čempijon Ispanii, lidar biełaruskaj zbornaj Siarhiej Rutenka.
Startuje «Dynama» ŭ hrupavym raŭndzie 30 vieraśnia haściavym matčam u Bierlinie. Z 3 pa 7 kastryčnika u Minsku pavinien prajści matč z «Kraacyjaj».13 kastryčnika adbudziecca matč z «Barsiełonaj» na vyjeździe.
Inšyja chatnija matčy:
Z 17 pa 21 kastryčnika — «Pik»,
Z 14 pa 18 listapada — «Kadeten»,
Z 28 listapada pa 2 śniežnia pavinien prajści matč z «Fiuchse»,
Z 20 pa 24 lutaha — matč u Minsku z «Barsiełonaj». Heta budzie apošni matč hrupavoha raŭndu dla «Dynama».\
U nastupny raŭnd vychodziać čatyry kamandy z hrupy.
Dakładny raskład chatnich pajadynkaŭ stanie viadomy paźniej.
0
0
0
0
0
0
