Ministr Aziarec i vice-śpikier Patupčyk trapili ŭ niałasku 4

Na ŭčorašnim pasiadžeńni Minsporta i vykankam NAK pastanavili razhladzieć pytańnie zamieny kiraŭnictva ŭ vaśmi spartyŭnych fiederacyjach — lohkaj atletyki, akademičnaha viesłavańnia, viełasporta, płavańnia, fiechtavańnia, sinchronnaha płavańnia i dziudo.

Na dumku Minsporta, źmieny naśpieli pa vynikach łondanskaj Alimpijady. U hetym šerahu źviartajuć na siabie ŭvahu dźvie fiederacyi (lohkaj atletyki i dziudo), jakija ŭznačalvajuć nie apošnija čynoŭniki.

Fiederacyjaj lohkaj atletyki kiruje vice-śpikier savieta respubliki, były ministr pracy i vice-premjer Uładzimir Patupčyk. Na hetaj Alimpijadzie lohkaatlety nie ŭziali nivodnaha miedala. Było zołata ŭ Nadziei Astapčuk, ale jaho zabrali praz užyvańnie spartsmienkaj dopinha.

U dziudo na pieršych rolach ministr enierhietyki Alaksandr Aziarec, jon uznačalvaje fiederacyju apošnija try hady. Dziudaisty taksama zastalisia ŭ Łondanie biez uznaharod.

Trošku dziŭna hučyć patrabavańnie źmieny kiraŭnictva ŭ fiederacyi płavańnia, bo jaje ŭžo paśla Alimpijady ŭznačaliŭ vice-premjer Anatol Tozik.

Cikava, što staršyni fiederacyi baraćby, biźniesmienu Juryju Čyžu pretenzij nie pradjavili, choć barcy ŭpieršyniu ŭ suvierennaj historyi nie pryvieźli z Hulniaŭ miedaloŭ.

ZP

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH