Školnyja kanikuły ŭ Biełarusi mohuć stać karaciejšyja, zajaviŭ u prahramie «Aktualnaje intervju» na telekanale «Biełaruś 1» ministr adukacyi Siarhiej Maskievič.
«Paraŭnoŭvajučy kolkaść vučebnych tydniaŭ, vučebnaj nahruzki, praciahłaść kanikuł u nas i inšych krainach, my bačym, što kanikularny pieryjad moža być karaciejšy i nahruzka bolš raŭnamierna raźmierkavana na praciahu navučalnaha hoda», — skazaŭ ministr.
«Na praciahu hetaha hoda praanalizujem efiektyŭnaść fakultatyŭnych zaniatkaŭ i prymiem rašeńnie, jak nam vykarystoŭvać i fakultatyvy, i ŭroki, i kanikularny čas, kab palepšyć vynik», — rastłumačyŭ ministr, paviedamlaje BiełTA.Siarhiej Maskievič padkreśliŭ, što ŭ 2012 hodzie praciahłaść navučalnaha hoda źmianiacca nie budzie — u adpaviednaści z Kodeksam ab adukacyi.
Pieršy raz dumku pra pavieličeńnie praciahłaści navučalnaha hoda Siarhiej Maskievič ahučyŭ na minułym tydni padčas piedahahičnaj kanfierencyi ŭ Minsku.
Učora staršynia pastajannaj kamisii pałaty pradstaŭnikoŭ pa adukacyi, kultury, navucy i
«Letnija vakacyi ŭ nas zamacavany ŭ kodeksie vielmi vyrazna. Navučalny hod z 1 vieraśnia pa 31 maja. Nichto nie maje prava parušać kodeks.Navat kali chtości pasprabuje, heta budzie vielmi doŭhaja pracedura napieradzie», — skazaŭ deputat.
«Skažu ščyra jak prafiesijny piedahoh [dyrektar himnazii],
jak tolki viasnovaje sonca śviecić u akno, pra vučobu možna pacichu zabyvać, bo dzieci hladziać u hetaje akno i marać, jak by syści», — adznačyŭ deputat.
***
A što Vy dumajecie nakont hetaha? Ci pryviadzie pavieličeńnie navučalnaha hoda ŭ červieni da jakasnaha praryvu ŭ školnaj adukacyi.
