Łukašenku spoŭniłasia siońnia 58 hadoŭ 15

«30 žniŭnia — dzień naradžeńnia pa dakumientach, adznačaje ž prezident svoj dzień naradžeńnia 31 žniŭnia, razam z synam Mikałajem», — paviedamiŭ BiełaPAN kiraŭnik pres-słužby prezidenta Pavieł Lohki.

Zrešty, dadaŭ jon, i 30-ha, i 31-ha žniŭnia dla Łukašenki, jaki kiruje krainaj ad 1994 hoda, rezidenta «buduć zvyčajnymi pracoŭnymi dniami». «Kiraŭnik dziaržavy niejak asabliva hetyja dni nie vydzialaje», — skazaŭ kiraŭnik pres-słužby.

Nahadajem, u 2010 hodzie ŭ aficyjnuju bijahrafiju Alaksandra Łukašenki, apublikavanuju na sajcie prezidenta, było ŭniesiena źmianieńnie: data naradžeńnia źmianiłasia z 30 žniŭnia 1954 hoda na 31-ha.

Hetu akaličnaść u prezidenckaj administracyi patłumačyli nastupnym čynam: maci Alaksandra Łukašenki pastupiła ŭ raddom 30 žniŭnia viečaram, ale naradziła jaho ŭ noč z 30 na 31 žniŭnia, paśla apoŭnačy. U tyja hady ŭ sielskich raddamach dakładny čas naradžeńnia dziciaci nie adznačaŭsia, i novanarodžanaha Łukašenku zapisali na 30 žniŭnia, pa dacie pastupleńnia jaho maci ŭ raddom. «Prezident spakojna stavicca da hetaj daty, i jon nie nadavaŭ joj značeńnia da momantu naradžeńnia małodšaha syna Mikałaja, jaki źjaviŭsia na śviet 31 žniŭnia. Užo paśla naradžeńnia Mikałaja prezident pačaŭ cikavicca ŭ maci padrabiaznaściami svajho źjaŭleńnia na śviet i vyśvietliŭ, što faktyčna adznačać dzień naradžeńnia treba 31 žniŭnia», — patłumačyŭ BiełaPAN supracoŭnik prezidenckaj administracyi.

Zaraz u aficyjnaj bijahrafii na sajcie prezidenta ŭ jakaści dnia naradžeńnia ŭkazana raniejšaja data, 30 žniŭnia.

Pavodle słoŭ Lohkaha, heta źviazana z tym, što Alaksandr Łukašenka nie pamianiaŭ svoj pašpart. Ale realna dniom jaho naradžeńnia źjaŭlajecca 31 žniŭnia.