Alaksandr Łukašenka pryniaŭ zaprašeńnie naviedać u 2013 hodzie z aficyjnym vizitam Azierbajdžan. Ab hetym jon skazaŭ siońnia na sustrečy sa svaim azierbajdžanskim kaleham Ilchamam Alijevym u pašyranym składzie.
Alaksandr Łukašenka adznačyŭ, što z papiaredniaj sustrečy dvuch lidaraŭ praviedziena značnaja rabota pa aktyvizacyi dvuchbakovych adnosin. Łukašenka miarkuje, što ŭ tym, što dvuchbakovaje ŭzajemadziejańnie nabyło charaktar stratehičnaha partniorstva, zasłuha ŭ pieršuju čarhu Ilchama Alijeva. «My damovilisia ab prajektach, kantraktach, kankretnych napramkach supracoŭnictva — i my śviata ich vykonvajem i kantralujem na samym vysokim uzroŭni. My stroha vytrymlivajem dynamiku našych adnosin, našych sustreč na samym vysokim uzroŭni pa čarzie ŭ Minsku i Baku. I my damovilisia, što i ŭ dalejšym anałahičnym čynam budziem dziejničać», — skazaŭ jon. Jon taksama padziakavaŭ svajmu azierbajdžanskamu kalehu za asablivuju ŭvahu, jakuju jon asabista ŭdzialaje raźvićciu
Łukašenka źviarnuŭ uvahu na aktyŭnaje raźvićcio adnosin praktyčna va ŭsich śfierach. Na jaho dumku, hetamu jość zrazumiełaje tłumačeńnie: Biełaruś i Azierbajdžan nie majuć roznahałośsiaŭ u ramkach palityčnaha dyjałoha. «U nas padobnyja pohlady na aktualnyja prablemy mižnarodnych adnosin. Dziakujučy hetamu my kanstruktyŭna ŭzajemadziejničajem u mižnarodnych arhanizacyjach», — skazaŭ jon. Łukašenka taksama adznačyŭ toj fakt, što abiedźvie dziaržavy naceleny najpierš na dynamičnaje raźvićcio ekanomiki i pavyšeńnie dabrabytu narodaŭ. «My absalutna nie stavim pierad saboj zadaču siabravać suprać kahości. U nas meta adna: u nas jość narody, u intaresach jakich my pavinny rabić usio nieabchodnaje», — skazaŭ Łukašenka.
