U damašnim matčy
«Nastroj pryŭźniaty, jość vialikaje žadańnie pieramahčy. Panujučaja atmaśfiera raduje.Za vyklučeńniem Bahi, usie ŭ strai, i heta dadaje hałaŭnoha bolu pry vybary aptymalnaha składu i rasstanoŭcy hulcoŭ na poli», — skazaŭ Hančarenka.
Jon adznačyŭ, što «Chapael» lubić pracavać ź miačom, u kožnaj linii jość lidary, u toj ža čas dva viadučyja futbalisty vybyli
Pavodle słoŭ Hančarenki, u ciapierašnim siezonie jaho ździviła losavańnie, u adpaviednaści ź jakim usie try papiarednija raŭndy BATE pačynaje doma.«Heta nie nadakučvaje, bo kožny matč — heta asobnaja historyja, a sapierniki nie mocna, ale adroźnivajucca adzin ad adnaho. Tym bolš ciapier my hulajem nie ŭ Barysavie, a ŭ Minsku, jak padčas hrupavoha etapu, i heta — dadatkovaja mabilizacyja», — adznačyŭ trenier. Jon raźličvaje, što na matč pryjdzie nie mienš čym 20 tys. čałaviek.
Na pytańnie pra dalejšy los Alaksandra Hleba Hančarenka zajaviŭ, što, kali pojdzie havorka ab padpisańni novaha kantrakta, prablem nie ŭźnikaje, jak ich nie ŭźnikała pry zaklučeńni ciapier dziejnaha pahadnieńnia.
Trenier adznačyŭ, što Hleb moža syści, kali pastupić prapanova ad kłuba ztop-čempijanatu .
Forvard Vital Radzivonaŭ zapeŭniŭ, što kamanda prykładzie ŭsie namahańni, kab «zrabić zadavolvajučy vynik» nie na apošnich chvilinach, jak heta było ŭ damašnich matčach z «Vardaram» i «Debrecenam». Forvard vysoka acaniŭ Hleba: «Nazirajučy za takim hulcom, nie možaš padabrać słoŭ. Kali takija majstry pobač, raści nie tolki mnie, ale i astatnim lahčej».
Matč BATE — «Chapael» projdzie 22 žniŭnia na minskim stadyjonie «Dynama». Pačatak u 21.45.
