Mitynh suprać HKČP. Vystupaje Zianon Paźniak. Žnivień 1991 h.
19 žniŭnia 1991 h. u Maskvie było abvieščana ab stvareńni hetak zvanaha “dziaržaŭnaha kamitetu ŭ spravie nadzvyčajnaha stanovišča” (HKČP), metaj jakoha było spynić demakratyčnyja pracesy i suverenizacyju respublik SSSR.
19.08.2012 12:10
Prezident SSSR Michaił Harbačoŭ byŭ niezakonna adchileny ad pasady i ŭziaty ad chatni aryšt u krymskaj rezidencyi.
U toj ža dzień deputaty Apazycyi BNF na čale z Z. Paźniakom abviaścili HKČP dziaržaŭnymi złačyncami, źviarnulisia da dziaržaŭnych słužačych i kiraŭnikoŭ pradpryjemstvaŭ z zaklikam nie vykonvać ich zahady i zapatrabavali ad kiraŭnictva Viarchoŭnaha Savieta sklikańnia niečarhovaj siesii.
Uviečary 19 žniŭnia BNF sabraŭ na sustreču z deputatami na płošču pierad Domam uradu niekalki sotniaŭ čałaviek; 20-21 žniŭnia na płoščy źbiralisia ŭžo tysiačy.
U Maskvie vakoł Biełaha doma, dzie znachodziŭsia prezident RSFSR Barys Jelcyn, jaki abviaściŭ HKČP niezakonnym, sabralisia niekalki dziasiatkaŭ tysiač ludziej. U noč z 20 na 21 žniŭnia ŭ vyniku supraćstajańnia cyvilnych hramadzianaŭ z vajskoŭcami try čałavieki zahinuli. 21 žniŭnia putčysty paciarpieli parazu.
Da patrabavańnia deputataŭ Apazicyi BNF ab sklikańni sesii dałučylisia inšyja demakratyčnyja deputaty, i siesija była pryznačanaja na 24 žniŭnia.
25 žniŭnia 1991 h. Viarchoŭny Saviet pryniaŭ prapanovy deputataŭ BNF i abviaściŭ Niezaležnaść Biełarusi, nadaŭšy Dekłaracyi ab dziaržaŭnym suvierenitecie status kanstytucyjnaha zakonu. Dziejnaść KPB-KPSS i ŁKSMB była spynienaja.
